हॅलो बॉलिवूड ऑनलाईन। रवी जाधव दिग्दर्शित आणि प्रथमेश परब, ऋता दुर्गुळे अभिनित मराठी चित्रपट ‘टाईमपास 3’ने बॉक्स ऑफिसवर चांगली कामे केली आहे. या चित्रपटातून दगडू आणि पालवीने प्रेक्षकांच्या मनावर चांगलीच छाप पाडली आहे. ‘टाईमपास 3’च्या संपूर्ण टीमने प्रेक्षकांचे पुरेपूर मनोरंजन केले असून आता झी कॉमेडी अवॉर्ड्समध्ये डंका गाजवला आहे. नुकतंच जाहीर झालेल्या ‘झी टॉकीज कॉमेडी अवॉर्ड्स’मध्ये ‘टाईमपास 3’ या चित्रपटाने एक दोन नव्हे तर तब्बल 17 नामांकने मिळवली आहेत.
या नामांकनांमध्ये,
१) सर्वोत्कृष्ट चित्रपट
२) सर्वोत्कृष्ट दिग्दर्शक – रवी जाधव
३) सर्वोत्कृष्ट लेखन – रवी जाधव आणि प्रियदर्शन जाधव
४) सर्वोत्कृष्ट अभिनेता – प्रथमेश परब
५) सर्वोत्कृष्ट अभिनेत्री – ह्रता दुर्गुळे
६) सर्वोत्कृष्ट सहाय्यक अभिनेत्री – अन्विता फलटणकर
७) सर्वोत्कृष्ट सहाय्यक अभिनेता – संजय नार्वेकर
८) सर्वोत्कृष्ट गीत – अमितराज (साई तुझं लेकरू)
९) सर्वोत्कृष्ट गीत – अमितराज (वाघाची डरकाळी)
https://www.instagram.com/p/ChWQMXqBYTd/?utm_source=ig_web_copy_link
१०) सर्वोत्कृष्ट गायक – अमितराज (कोल्डड्रिंक)
११) सर्वोत्कृष्ट गायक – आदर्श शिंदे (साई तुझं लेकरू)
१२) सर्वोत्कृष्ट गायिका – वैशाली सामंत (वाघाची डरकाळी)
१३) सर्वोत्कृष्ट गायिका – शाल्मली खोलगडे (कोल्डड्रिंक)
१४) सर्वोत्कृष्ट गीतकार – क्षितिज पटवर्धन (साई तुझं लेकरू)
१५) सर्वोत्कृष्ट पार्श्व संगीत – हर्ष, करण, आदित्य
१६) सर्वोत्कृष्ट नृत्य दिग्दर्शक – राहुल ठोंबरे आणि संजीव होवालदार (साई तुझं लेकरू)
१७) सर्वोत्कृष्ट नृत्य दिग्दर्शक – राहुल ठोंबरे आणि संजीव होवालदार (कोल्डड्रिंक)
अशाप्रकारे सलग 17 विविध श्रेणीत ‘झी टॉकीज कॉमेडी अवॉर्ड्स’मध्ये या चित्रपटाने नामांकनं प्राप्त केली आहेत. झी स्टुडिओज आणि अथांश कम्युनिकेशन्स निर्मित रवी जाधव दिग्दर्शित ‘टाईमपास 3’ हा चित्रपट कॉमिक जॉनरचा असून यामध्ये ह्रता दुर्गुळे, प्रथमेश परब, भाऊ कदम, वैभव मांगले, संजय नार्वेकर इत्यादी कलाकार मुख्य भूमिकेत झळकले आहेत. या चित्रपटाने बॉक्स ऑफिसवर कोट्यवधी रुपयांची कमाई केली आहे. या चित्रपटातील साई तुझं लेकरू, लव्हेबल, कोल्डड्रिंक हि गाणी चांगलीच गाजली आहेत.
Discussion about this post