हॅलो बॉलिवूड ऑनलाईन। अभिनेत्री रसिका सुनीलने ‘माझ्या नवऱ्याची बायको’ या मालिकेत शनाया ही भूमिका साकारली होती. या भूमिकेमुळे तिला खूपच लोकप्रियता मिळाली. मालिका संपली पण शनायाची जादू अजूनही कायम आहे. रसिका सोशल मीडियावर नेहमीच ऍक्टिव्ह असते. ती सोशल मीडियाच्या माध्यमातून आपल्या चाहत्यांशी संवाद साधत असते. याहीवेळी ती हटके अंदाजात केलेल्या फोटोशूटच्या माध्यमातून चाहत्यांचे लक्ष वेधून घेतेय.
रसिकाच्या या फोटोंमधील समर लूकने सगळ्यांचे लक्षवेधून घेतले आहे..रसिका बऱ्याचदा वेस्टन लूक मध्ये वावरणं पसंत करते. कोणताही वेस्टर्न आऊटफिट कसा कॅरी करायचा हे रसिकाला अगदी उत्तम माहित आहे. त्यामुळे याही वेस्टर्न आऊटफिट मध्ये रसिका अगदी ग्लॅमरस दिसतेय. तिने हे फोटोज तिच्या ऑफिशियल इंस्टाग्राम अकाउंटवर शेअर केले आहेत. ह्या फोटोंची आणि तिच्या लूकची चर्चा जोरदार सुरु आहे. इतकेच नव्हे तर तिच्या चाहत्यांना तिचा हा लूक प्रचंड आवडला आहे.
नुकतेच रसिकाने आदित्य बिलागी याला डेट करत असल्याचे सांगितले होते. त्यानंतर तिने आदित्यसोबतचा फोटो आणि व्हिडीओ शेअर करून त्यांच्या नात्याबद्दल सांगितले होते. तिने सोशल मीडियाद्वारे सांगितले होते की, हो आम्ही एकमेकांना डेट करतो आहे. रसिका सुनीलने माझ्या नवऱ्याची बायको या मालिकेव्यतिरिक्त गर्लफ्रेंड, बसस्टॉप आणि बघतोस काय मुजरा कर या चित्रपटात काम केले आहे.
Discussion about this post