हॅलो बॉलिवूड ऑनलाईन। अभिनेता सिद्धार्थ मल्होत्रा आणि कियारा अडवाणी अभिनीत ‘शेरशाह’ हा चित्रपट १२ ऑगस्ट २०२१ रोजी अॅमेझॉन प्राइम व्हिडिओवर प्रदर्शित झाला आहे. अगदी तेव्हापासून सर्वत्र ह्या चित्रपटाच्या चर्चा गाजत आहेत. सिद्धार्थची भूमिका लोकांना इतकी आवडतेय कि सोशल मीडियावर याबाबतच्या प्रतिक्रिया दिसत आहेत. इतकेच नव्हे तर चित्रपटाचे दिग्दर्शनदेखील सगळ्यांनाच भारावून गेले आहे. मात्र या सगळ्या बरोबरच कियाराचे ही विशेष कौतुक होताना दिसत आहे. रसिकांनी तिच्या इतर भूमिकेहून काहीसे अधिक कौतुक तिच्या या चित्रपटातील भूमिकेचे केले आहे.
https://www.instagram.com/p/CSJw190oxHT/?utm_source=ig_web_copy_link
शेरशाह या चित्रपटात अभिनेता सिद्धार्थ मल्होत्राने कॅप्टन विक्रम बत्रा (पीव्हीसी) यांची भूमिका साकारली आहे. तर कियाराने त्याच्या प्रेयसीची म्हणजेच डिंपलची व्यक्तिरेखा साकारली आहे. तिच्या पडद्यावरील मर्यादित वेळेमध्ये सुद्धा ती अत्यंत प्रामाणिकपणे आपले काम करताना दिसतेय. ज्यामुळे प्रेक्षक तिच्याशी खूप सहजपणे जोडले जातात. एका तरुण महाविद्यालयीन मुलीपासून ते क्लायमॅक्समधील त्या भावनिक दृश्यात तिच्या भूमिकेतील बदल आणि तिच्या वयोमानातील भावनिक रेखांकन तिने अगदी आपले जीवन असल्यासारखे जगले आहे आणि प्रेक्षकांसमोर व्यक्त केले आहे.
आजच्या तरुण पिढीमध्ये बॉलिवूड अभिनेत्री कियाराचं चांगलाच क्रेझ आहे. तिच्या प्रत्येक फोटोला सोशल मीडियावर खूप लाइक आणि व्युज मिळतात. तिचा निरागस चेहरा तरुणांना वेड लावत आहे. सध्या बॉलिवुड मध्ये ती बऱ्याच मोठ्या चित्रपटांच्या शूटिंगमध्ये व्यग्र आहे असे समजत आहे. लस्ट स्टोरीज, गुड न्यूज आणि गिल्टीसारख्या विविध कथानकाच्या चित्रपटात झळकल्यानंतर तिने स्वतःचा एक वेगळाच चाहता वर्ग तयार केला आहे. शेरशाह कियाराचा धर्मा प्रॉडक्शनबरोबरचा चौथा प्रोजेक्ट आहे.
Discussion about this post