हॅलो बॉलिवूड ऑनलाईन। गेल्या काही दिवसांपासून नव्या कोऱ्या फॉरमॅटसह सुरु झालेला बिग बॉस ओटिटीचा खेळ आता चांगलाच रंगात आला आहे. ओतितीवर सुरु झालेला बिग बोस बघता बघता तिसऱ्या आठवड्यापर्यंत आला सुद्धा आणि आता लवकरच सहा आठवडे पार होताच टीव्हीवर टेलिकास्ट होईल. पण.. पण… पण.. त्याआधी या स्पर्धकांचा अनेको परीक्षा पार कराव्या लागणार आहेत. कारण हा बिग बॉसचा खेळ आहे काही एरी गैरी गोष्ट नाही. ‘बिग बॉस ओटीटी’ गाजत असताना आता ‘बिग बॉस 15’चे वेध लागले आहेत. कारण याचे वेगवेगळे प्रोमो प्रेक्षकांची उत्सुकता वाढविण्यात यशस्वी झाले आहेत. आता आणखी एका प्रोमोने असच चाहत्यांच्या उत्सुकतेला हात घातला आहे.
‘बिग बॉस ओटीटीचा’ कालावधी पूर्ण झाल्यावर हा शो पुढे टीव्हीवर शिफ्ट होणार आहे. दरम्यान ‘बिग बॉस 15’ चा नवा प्रोमो रिलीज झाला असून या प्रोमोत सलमान खान बिग बॉसचे घर शोधताना दिसतो आहे. इतकेच काय तर या प्रोमोत बॉलिवूड डिवा रेखाजींचा आवाज ऐकू येत आहे. या प्रोमोमध्ये शोचा होस्ट सलमान खान बिग बॉस १५चं घर शोधत एका भयानक जंगलात पोहोचलेला दिसतो. मुख्य म्हणजे अशातच एका झाडाखाली बसलेला असताना त्याला झाडामागून एक सुंदर कर्णमधुर आवाज येतो. हा आवाज दुसरं तिसरं कुणाचा नसून रेखाजींचा आहे.
प्रोमोमध्ये हा आवाज सलमानसोबत बोलताना म्हणतो कि, ‘सलमान, गेल्या १५ वषार्पासून तुझी वाट पाहत होते…आता कुठे मनाला शांती मिळाली…,’असे बोल कानावर पडताच सलमान म्हणतो, ‘मी तुमचा खूप आभारी आहे विश्वसुंदरी.. पण इथेच कुठे तरी बिग बॉसचं होतं. पण आता ते कुठे दिसतंच नाही…,’ त्यावर विश्वसुंदरी म्हणते कि, ‘यावेळेला घरातील सदस्यांना आधी जंगल करावं लागणार पार, त्यानंतर खुलणार बिग बॉसच्या घराचं दार….,’ यावर ‘संकट इन जंगल, फैलाएगा दंगल पे दंगल…,’ असं सलमान म्हणतो. ‘बिग बॉस १५’ चा हा प्रोमो सध्या तुफान व्हायरल होत आहे. टीव्हीवर सुरू होण्याआधी ‘बिग बॉस ओटीटी’ सुरू झालं आहे आणि याची सूत्र करण जोहरने सांभाळली. मात्र आता एकदा का बिग बॉस ओटीटी ‘बिग बॉस १५ म्हणून टीव्हीवर टेलिकास्ट झाला कि मग सलमान त्याच्या अंदाजात पुन्हा एकदा मनोरंजन करण्यास तयार…
Discussion about this post