हॅलो बॉलिवूड ऑनलाईन। कधी काळी लोकप्रिय असणारी मराठी मालिका मुलगी झाली हो आज प्राईम टाईमपासून कोस दूर आहे. पण त्याच मालिकेतून बाहेर केलेले किरण माने अर्थात मालिकेतील विलास आजही प्रेक्षकांच्या मनात घर करून आहे. मालिकेपेक्षा अधिक प्रेम या पात्रातून अभिनेता किरण माने यांनी मिळवले आहे आणि याचा प्रत्यय त्यांना वारंवार आला आहे. याहीवेळी एका कार्क्रमासाठी हेरवाड येथे मानेंची स्वारी गेली होती. दरम्यान त्यांना पहायला अनेक लोक रस्त्याच्या कडेला उभे राहिल्याचे दिसून आले. अगदी लहान मुलांपासून ते वृद्धांपर्यंत त्यांचे चाहते त्यांच्या भेटीला आले होते. दरम्यान काही महिला चाहत्यांनी मालिकेशी संबंधित प्रकरणावरील आपला संताप मानेंसमोर व्यक्त केला. त्यांचे हे प्रेम पाहून माने अगदीच भारावून गेले.
चाहत्यांच्या प्रेमाने भारावलेले माने सोशल मीडियावर व्यक्त झाले आहेत. त्यांनी एक व्हिडीओ पोस्ट केली आहे आणि यासोबत त्यांनी कॅप्शनही लिहिले आहे. यात किरण माने यांनी लिहिले कि, महाराष्ट्रभर जाईल तिकडं लै लै लै प्रेम मिळतंय मला. भारावून गेलोय. हेरवाडला एक भगिनी आली आणि डोळ्यांत पाणी आणून म्हणाली,”तुमी लै आवडता आमाला.. तुमी नाय तर शिरेल बगायची बंद केली आमी. लै जीव तुटला आमचा तुमच्यासाठी. तुमाला वाईटसाईट बोलनार्‍या समोर आल्या तर सनासना चार मुस्काडात ठिवून देईन मी.” मी हसलो. म्हन्लो,”उलट आभार मानूया त्यांचे ताई. त्यामुळं मला कळलं तुम्ही किती अफाट प्रेम करता माझ्यावर. माफ करा त्यांना.”
पुढे लिहिले आहे कि…काल माणगांवच्या ‘अंधश्रद्धा निर्मुलन समिती’च्या कार्यक्रमाआधी, आम्हा सर्वांना त्या ठिकाणाला भेट द्यायची उत्सुकता होती, जिथं डाॅ. बाबासाहेब आंबेडकरांना सोबत घेऊन राजर्षी शाहू महाराजांनी ‘माणगांव परीषद’ घेतली होती ! तिथं गेलो, तेवढ्यात मी आल्याची बातमी आंबेडकर भवनाच्या आसपासच्या घरांत पसरली. मला बघायला लोक घराबाहेर येऊन उभे राहीले…मनात आलं, तुमच्यासाठी व्हिडीओ काढावा ! बघा… या व्हिडिओत किरण मानेंच्या भेटीला आलेले त्यांचे चाहते आणि एक फोटो क्लिक करण्यासाठी त्यांची चालू धडपड दिसून येतेय.
Discussion about this post