हॅलो बॉलिवूड ऑनलाईन। एकीकडे कोरोना कमी होतोय असे निदर्शनास येताच सरकारने कोरोना संबंधित नियमांमध्ये शिथिलता आणि हळूहळू आता सर्व निर्बंध उठविण्यात आले. यामुळे पुन्हा एकदा जनजीवन सुव्यस्थित होत असल्याचे दिसून येत आहे. पण गेल्या काही दिवसापासून मुंबई, पुणे यासारख्या मेट्रो सिटीमध्ये कोरोनाचे जाळे पुन्हा एकदा वेगाने पसरत असल्याचे दिसून येत आहे. मुख्य म्हणजे सामान्य लोकांपासून ते विविध क्षेत्रापर्यंत कोरोना पुन्हा एकदा हात पाय सरताना दिसतो आहे. सध्या बॉलिवूडकरांच्या चिंतेत मोठी वाढ झाली आहे.
बॉलिवूड सिने इंडस्ट्रीतील आघाडीचे कलाकार सध्या कोरोनाच्या विळख्यात अडकल्याचे समोर येत आहे. गेल्या शनिवारी ४ जून २०२२ रोजी बॉलिवूड इंडस्ट्रीचा आघाडीचा अभिनेता कार्तिक आर्यन याचा कोरोना चाचणीचा रिपोर्ट पॉझिटिव्ह आल्याचे समोर आले होते. याबाबत त्याने स्वतःच सोशल मीडियावर माहिती दिली होती. त्याने सोशल मीडियावर पोस्ट लिहीत म्हटले होते कि, सगळं इतकं पॉझिटिव्ह चालू होत कि कोरोनाला राहवलं नाही. याशिवाय त्याच दिवशी आशिकी २ फेम अभिनेता आदित्य रॉय कपूर याचीही कोव्हीड १९ ची चाचणी पॉझिटिव्ह आल्याचे समोर आले होते.
यानंतर आता बॉलिवूडचा किंग खान अर्थात शाहरुख खान याचाही कोरोना चाचणीचा रिपोर्ट पॉझिटिव्ह आल्याचे समोर आले आहे. इतकेच नव्हे तर बॉलिवूड अभिनेत्री कॅटरिना कैफ हि देखील कोरोना पॉझिटिव्ह आली आहे. यामुळे हळूहळू बॉलिवूडकरांवर कोरोनाचा कहर तीव्र परिणाम करतोय असेच दिसून येत आहे.
मुख्य म्हणजे आतापर्यंत कोरोना पॉझिटिव्ह प्रकरणांची संख्या हळूहळू वाढत असल्याचे दिसत होतो मात्र आता ती झपाट्याने वाढते आहे. यामुळे आरोग्य मंत्रालयाने लोकांना पुन्हा एकदा मास्क लावण्याचे आणि संबंधित नियमांचे पालन करण्याचे आवाहन केलेले आहे. अद्याप नियमांबाबत कोणतीही सक्ती नाही.
Discussion about this post