हॅलो बॉलिवूड ऑनलाईन। रुकेंगे नहीं म्हणणारे बॉलिवूडचे महानायक अमिताभ बच्चन हे आजही इंडस्ट्रीमध्ये सक्रिय आहेत. आज मैत्री दिनाचे निमित्त साधून त्यांनी एक खास सरप्राईज आपल्या चाहत्यांना दिले आहे. गेल्या अनेक दिवसांपासून अमिताभ यांच्या ‘उंचाई’ चित्रपटाची केवळ चर्चा होती. यानंतर आज अमिताभ यांनी चित्रपटाचे थेट पोस्टर रिलीज केले आहे. ज्यामध्ये एका मोठ्या पर्वतावर ३ जण चढताना दिसत आहेत. हे तिघेजण अमिताभ बच्चन, बोमन इराणी आणि अनुपम खेर आहेत असा अंदाज आहे. या चित्रपटात अभिनेत्री नीना गुप्ता, परिणीता चोप्रा देखील दिसणार आहे.
तूर्तास या चित्रपटाचे पोस्टर चांगलेच चर्चेत आले आहे. चाहत्यांसाठी हि पोस्ट शेअर करताना बॉलिवूडचे महानायक अमिताभ बच्चन यांनी लिहिले आहे कि, राजश्री प्रॉडक्शनच्यावतीने ‘उंचाई’ चित्रपटाची घोषणा करण्यात आली आहे. आज ‘फ्रेंडशिप डे’च्या निमित्ताने मी माझ्या साऱ्या चाहत्यांसाठी ही पोस्ट शेयर करत आहे. माझे मित्र अनुपम खेर, बोमन इराणी या मित्रांसाठी हि खास पोस्ट आहे. त्यांना देखील मी ‘मैत्री दिनाच्या मनापासून शुभेच्छा देतो. हा चित्रपट ११ नोव्हेंबर २०२२ रोजी संपूर्ण देशभरात प्रदर्शित होणार आहे.
अमिताभ यांच्या या वर्क फ्रंटबद्दल बोलायचे झाले तर, ‘उंचाई’ या चित्रपटाच्या आधी अमिताभ यांचा ‘ब्रम्हास्त्र’ हा चित्रपट प्रदर्शित होणार आहे. या चित्रपटात अभिनेट रणबीर कपूर, आलिया भट्ट, मौनी रॉय आणि नागार्जुना हे कलाकार अन्य मुख्य भूमिकेत असणार आहे. गेल्या २ वर्षांपासून हा चित्रपट प्रदर्शनाच्या प्रतीक्षेत आहे. या चित्रपटाचे दिग्दर्शन अयान मुखर्जी यांनी केले असून या चित्रपटाचा ट्रेलर आणि गाणी प्रदर्शित झाली आहेत. हा चित्रपट येत्या ९ सप्टेंबर २०२२ रोजी प्रदर्शित होणार आहे.
Discussion about this post