हॅलो बॉलिवूड ऑनलाईन। बॉलिवूड अभिनेत्री मलायका अरोरा वयाच्या चाळिशीनंतरही तितकीच आकर्षक दिसते. याच कारण म्हणजे तिचा फिटनेस मंत्रा. नियमित न चुकता वर्कआउट करणे हा तिच्या जीवनशैलीचा नियमच आहे. त्यामुळे वय वाढत राहील पण मलायकाच्या चेहऱ्यावर तीच वय कधीच दिसलं नाही. यामुळे जेव्हा जेव्हा मलायका पँपराझींच्या कॅमेरात कैद होते तेव्हा तेव्हा तिच्या टोन्ड बॉडीमुळे अनेक जण घायाळ झाले आहेत. सध्या मलायकाने याच टोन्ड बॉडीसह शॅडो शूट केलं आहे. ते पाहून नेटकऱ्यांचे तर होशच उडाले आहेत.
अभिनेत्री मलायका अरोराने तिच्या अधिकृत सोशल मीडिया इंस्टाग्रामवर हे फोटोशूट शेअर केलं आहे. मुख्य म्हणजे मलायका सोशल मीडियावर अतिशय सक्रिय असल्यामुळे ती अनेकदा तिचे विविध लूक, स्टाईल आणि ड्रेसिंग शेअर करत असते. यामुळे ती सतत प्रसिद्धीच्या झोतात असते. पण आताचं फोटोशूट तीच इतर कोणत्याही फोटोशूटपेक्षा फारच वेगळं ठरलं आहे. या फोटोंमध्ये मलायकाने ऑरेंज कलरचा डिझायनर शॉर्ट ड्रेस परिधान केला आहे. सोबत न्यूड शिमरी मेकअप आणि स्मोकी आयसोबत तिने हा लूक पूर्ण केला आहे.
तिचे चाहते नेहमीच तिच्या एका झलकसाठी आतुर झालेले असतात. त्यात मलायका सोशल मीडियाच्या माध्यामातून चाहत्यांशी कनेक्ट असते आणि त्यामुळे तिचा मोठा चाहता वर्ग आहे.
म्हणूनच मलायकाने इंस्टाग्रामवर शेअर केलेला हा स्मोकी लूक चाहत्यांच्या पसंतीस पडला आहे आणि यावर अनेक नेटकरी प्रतिक्रिया देत आहेत. तसा तर मलायकाचा कोणताही फोटो पाहून तिच्या वयाचा अंदाज लावताच येत नाही. पण या लूकमुळे मात्र ती ४८ ची आहे असं कुणी सांगितलं तरीही पटणार नाही हे नक्की.
Discussion about this post