हॅलो बॉलिवूड ऑनलाईन। ‘बिग बॉस मराठी’चा खेळ असा काही रंगलाय कि त्याच्या रंगात सगळेच स्पर्धक वेगळे दिसू लागले आहेत. कधी भांडतात, कधी रडतात, कधी जीव लावतात तर कधी जीव घ्यायला तयार होतात. बिग बॉस मराठीचे चौथे पर्व पहिल्या दिवसापासूनच कुस्तीच्या आखाड्यापेक्षा काही कमी राहिलेले नाही. या घरात अगदी काहीच दिवसात दोन वेगवेगळे गट पडले आहेत. त्यामुळे आता घरात खरे ट्विस्ट येऊ लागले आहेत. त्यातचा आता दुसरा आठवा सुरु झाला असून या आठवड्यात घराचा कॅप्टन होण्यासाठी एक नवे कॅप्टन्सी कार्य देण्यात आले आहे.
बिग बॉसच्या घरात कॅप्टन होणं जितकं मानाचं तितकं फायद्याच मानलं जातं. पहिल्याच आठवड्यात समृद्धी जाधवने कॅप्टन्सी मिळवली होती. यामुळे ती या आठवड्यात नॉमिनेशन पासून सेफ झाली. यानंतर तिचा कॅप्टन्सीचा कार्य काळ संपला आहे. त्यामुळे आता बिग बॉस मराठीच्या घरातील दुसरा कॅप्टन निवडण्याची वेळ आली आहे. यासाठी बिग बॉस मराठीच्या घरात ‘पार्किंग किंग’ हे कॅप्टन्सी कार्य सुरु आहे. या कार्यात कॅप्टन्सी साठी निवडले गेलेले दोन उमेदवार एक म्हजे अक्षय केळकर आणि दुसरा म्हणजे रोहित शिंदे एकमेकांसमोर उभे ठाकले आहेत.
बिग बॉस मराठीच्या घरामध्ये आज ‘पार्किंग किंग’ हे कॅप्टन्सी कार्य रंगणार आहे. यामध्ये ज्याला मिळणार पार्किंग तोच होणार कॅप्टन हे अगदीच स्पष्ट आहे. गेल्या भागात कॅप्टन पदासाठी रोहित आणि अक्षय असे दोन उमेदवार निश्चित झाल्यामुळे आज या दोघांमध्ये हे कार्य होईल. कोणाची गाडी पार्क होणार..? आणि कोणाची गाडी हद्दपार होणार..? हे यात पाहणे औत्सुक्याचे राहील. आता दुसरा कॅप्टन कोण होणार..? याकडेच स्पर्धक आणि प्रेक्षकांचे लक्ष लागलेले आहे.
Discussion about this post