हॅलो बॉलिवूड ऑनलाईन। बिग बॉस मराठी ४मध्ये चॅलेंजर्स आल्यापासून एक वेगळीच मजा येऊ लागली आहे. बिग बॉसच्या इतिहासात पहिल्यांदाच एकावेळी घरात ४ वाईल्ड कार्ड एंट्री झाली आणि हा निर्णय बिगबॉसच्या पथ्थ्यावर पडला आहे. बिग बॉसचे मुरलेले खेळाडु राखी सावंत, मीरा जगन्नाथ, विशाल निकम आणि आरोह वेलणकरने घरात नुसता धुमाकूळ घातला आहे. राखीबद्दल तर कायचं बोलायचं.. तीच असंणच टोटल एंटरटेनमेंट असतं. सोशल मीडियावरील व्हायरल प्रोमो पाहून तर कुणीही पोट धरून हसत सुटेल. किरण मानेला तालावर नाचवत राखीने घरात नुसता कल्ला केलाय.
गेल्या काही दिवसात राखी आणि किरणची चांगलीच गट्टी जमली आहे. इथे राखी सतत किरणची चेष्टा करताना दिसते. फिरकी घेताना दिसते. कॅप्टनसी टास्क दरम्यान किरणने राखीचे कौतुक केले आणि आज तर राखीच्या मागे झाडू मारत फिरताना दिसले. बिग बॉसच्या घरातला हा जबरदस्त कॉमिक किस्सा सोशल मीडियावर व्हायरल झाला आहे. या व्हिडीओमध्ये राखीने आरडाओरडा करुन सगळं घर डोक्यावर घेतलंय. इतक्यात तितक्यात गार्डन एरियामधून किरण माने ‘राखे काय झालं राखे?’ म्हणत घरात येतात.
यानंतर अक्षय केळकर किरण मानेंना तुम्ही राखीच्या मागे झाडू मारुन दाखवा, असं म्हणतो. मग काय.. राखीलाही चेव येतो. तीही मजा घेऊ लागते आणि म्हणते ‘इथे हे झाडू मारायला नाही, डोळा मारायला आले आहेत’. यावर सगळेच हसायला लागतात. त्यानंतर माने राखी सावंतचा पदर पकडून संपूर्ण घरभर तिच्या मागेमागे फिरताना या व्हायरल प्रोमो व्हिडीओत दिसत आहे. इथे पुढे राखी झाडू घेऊन घरात फिरत आहे आणि किरण माने तिच्या मागे मागे फिरत आहे. राखी आणि किरणचा हा मजेशीर व्हिडीओ सध्या तुफान व्हायरल होतॊय आणि प्रेक्षकांनासुद्धा आवडतोय.
Discussion about this post