हॅलो बॉलिवूड ऑनलाईन। टीआरपीच्या चढाओढीत प्रत्येक वाहिनी प्रेक्षकांना काहीतरी दमदार आणि काहीतरी हटके देण्याचा प्रयत्न करत आहे. या शर्यतीत झी मराठी, कलर्स मराठी आणि सोनी मराठी अशा अनेक वाहिन्यांमध्ये सतत स्पर्धा सुरु असते. या दरम्यान अनेक मालिकांचे अनेक ट्विस्ट प्रेक्षक वर्ग ओढून घेत असतात. अशातच सोनी मराठी वाहिनी नेहमीच आशयघन विषयांची मांडणी करताना दिसत आहे. जसे कि आगामी मालिका ‘प्रतिशोध’. या मालिकेची विशेष बाब अशी कि या मालिकेतून मराठी मनोरंजन विश्वातील लोकप्रिय अभिनेता आणि गायक अमोल बावडेकर स्त्री व्यक्तिरेखेतून समोर येणार आहे.
अभिनेता आणि गायक अमोल बावडेकर यांनी नेहमीच विविध पात्रांच्या माध्यामातून प्रेक्षकांचे मनोरंजन केले आहे. यानंतर अतिशय वेगळी भूमिका आणि आव्हानात्मक कथाकासह ते प्रेक्षकांच्या भेटीस येत आहेत. या मालिकेची पहिली झलक सध्या प्रेक्षकांना पहायला मिळतेय. ‘प्रतिशोध’ या नव्या कोऱ्या मालिकेतील अमोल बावडेकर हा चेहरा प्रेक्षकांच्या भेटीला ‘ममता’ या व्यक्तिरेखेच्या माध्यमातून येत आहे. या मालिकेत अमोल बावडेकर यांच्यासोबत पायल मेमाणेदेखील महत्वपूर्ण भूमिकेत दिसणार आहे.
ममताच्या भूमिकेत अमोल बावडेकर तर ममताची मुलगी दिशाच्या भूमिकेत पायल मेमाणे आपल्याला दिसणार आहे. या मालिकेत भूतकाळातील काही विशिष्ट गोष्टींमुळे ममता आणि दिशा यांच्या भविष्यात त्यांना अनेक अडचणींना सामोरे जावे लागताना आपण पाहणार आहोत. निरनिराळ्या धाटणीच्या मालिका आणि विषय सोनी मराठी वाहिनी घेऊन येत असते. अशाच वेगळ्या कथानकाच्या माध्यमातून एक वेगळा विषय घेऊन सोनी मराठी लवकरच समोर येत आहे आणि या मालिकेत अमोल साकारत असलेली स्त्री व्यक्तिरेखा सध्या प्रचंड चर्चेत आहे.
Discussion about this post