हॅलो बॉलिवूड ऑनलाईन। बिग बॉसचा १६ वा सीजन बोले तोह एकदम कमाल सुरु आहे. या घरातील प्रत्येक स्पर्धकांवर प्रेक्षक अगदी जीव ओवाळून टाकत आहेत. या स्पर्धकांच्या खेळाने प्रेक्षकांचे मन इतके जिंकले कि हा सीजन ४ आठवडयांनी वाढवला गेला. यानंतर आता बिग बॉसच्या घरातील अत्यंत बहुप्रतीक्षित क्षण आला आहे आणि तो म्हणजे ‘फॅमिली वीक’. या आठवड्यात घरातील स्पर्धकांच्या कुटुंबातील काही व्यक्ती त्यांच्या भेटीसाठी येणार आहेत. त्यामुळे हा आठवडा अतिशय भावनिक होणार आहे यात काही शंकाच नाही.
आतापर्यंत घरातील प्रत्येक सदस्याला तुम्ही लढताना, भिडताना पाहिलं असेल. पण यावेळी घरातील हेच सदस्य लहान मुलांसारखे रडताना आणि भावनिक होताना दिसणार आहेत. कलर्स टीव्हीच्या अधिकृत सोशल मीडिया हॅण्डल इंस्टाग्रामवर काही प्रोमो शेअर करण्यात आले आहेत. त्यानुसार घरात साजिद खानची बहीण आणि प्रसिद्ध दिग्दर्शिका फराह खान येणार आहे. तर शिव ठाकरेची प्रेमळ आई घरातील प्रत्येकावर प्रेमाचा वर्षाव करणार आहे. याशिवाय टीना दत्ताची आई या घरात एंटर करणार आहे.
व्हायरल प्रोमोवर केवळ साजिद खान आणि शिव ठाकरेच्या घरातून कोण येणार आहे हे समोर आले आहे. मात्र गेल्या विकेंडला निम्रित कौर अहलुवालियाचे वडील, एमसी स्टॅनची आई, अर्चना गौतमचा भाऊ, सुंबुल तौकीर खानचे काका, शालीन भनोतची आई आणि टीना दत्ताची आई हे पालक सलमान खानसोबत दिसले होते. यावेळी पालकांनी एकमेकांच्या मुलांबाबत बऱ्याच तक्रारी केल्या. यानंतर आता घरात आपल्या मुलांच्या भेटीसाठी देखील हेच सदस्य जाणार असल्याचे बोलले जात आहे. तसेच अब्दुच्या भेटीसाठी त्याचे वडील थेट दुबईहून येणार असल्याचे बोलले जात आहे. तसेच प्रियांका चहर चौधरींच्या भेटीला अंकित गुप्ताने यावे अशी प्रेक्षकांची इच्छा असली तरीही तिचा भाऊ घरात एंटर होणार आहे.
Discussion about this post