हॅलो बॉलिवूड ऑनलाईन। बॉलिवूड अभिनेता विजय वर्मा आणि दाक्षिणात्य अभिनेत्री तमन्ना भाटिया यांच्यामध्ये नक्की काय नातं आहे..? याबाबत गेल्या काही सदिवसांपासून सोशल मीडियावर बोललं जात आहे. त्यांच्यामध्ये प्रेम प्रकरण सुरु आहे असे अनेकांचे म्हणणे आहे. अशातच आता १४ फेब्रुवारी, व्हॅलेंटाईन डेच्या दिवशी अभिनेता विजय वर्माने त्याच्या सोशल मीडियावर एक फोटो शेअर केला आहे. हा फोटो पाहून अनेकांनी अंदाज व्यक्त केला आहे कि, या फोटोतली ती तमन्ना आहे आणि त्यांनी आपले नाते जाहीर केले आहे.
गेल्या काही काही काळापासून विजय वर्मा आणि तमन्ना भाटिया यांचे नाव एकमेकांसोबत जोडले गेले आहे. इतकेच काय तर अनेकदा हे दोघेही विविध ठिकाणी एकत्र स्पॉट झाले आहेत. त्यामुळे साहजिकच त्यांचं डेटिंग सुरु असल्याच्या चर्चा रंगल्या. यानंतर आता विजय वर्माने व्हॅलेंटाइन डेच्या निमित्ताने असाच एक फोटो शेअर केला आहे. जो पाहून पुन्हा एकदा त्यांचं नाव एकत्र जोडलं गेलंय. हा फोटो विजयने कुणालाही टॅग केलेला नाही. मात्र या फोटोमध्ये एका बाजूला जिथे विजयचा पाय दिसत आहे, तर दुसऱ्या बाजूला दिसणारा पाय तमन्नाचा असल्याचे म्हटले जात आहे.
याशिवाय या फोटोसोबत त्याने लाल हार्ट इमोजी पोस्ट केला आहे. हि पोस्ट विजयने त्याच्या इंस्टाग्राम स्टोरीवर शेअर केली होती. त्यामुळे या पोस्टनंतर चाहत्यांचा अंदाज आहे की दोघांनीही त्यांचे नाते अधिकृत जाहीर केले आहे.
या फोटोमुळे विजय आणि तमन्ना हे दोघेही रिलेशनशिपमध्ये असल्याचे चाहत्यांना वाटू लागले आहे. मात्र, याबाबत अजूनही दोघांपैकी कुणीच अधिकृत वक्तव्य आलेले नाही. याआधी त्यांचा एक किसिंग व्हिडिओ व्हायरल झाला होता आणि आता हा फोटो व्हायरल झाल्यानंतर हे दोघे त्यांचे नाते कधी अधिकृत जाहीर करणार याची प्रतीक्षा आहे.
Discussion about this post