हॅलो बॉलिवूड ऑनलाईन। बॉलिवूड सिनेसृष्टीचे दिग्गज अभिनेते चंकी पांडे यांची पुतणी अलाना पांडे नुकतीच विवाहबद्ध झाली आहे. यावेळी चंकी पांडे यांचे संपूर्ण कुटुंब या लग्नात हजर होते. दरम्यान चंकी पांडे यांची लेक आणि बॉलिवूड अभिनेत्री अनन्या पांडेचा बहिणीच्या लग्नातील लूक प्रचंड चर्चेत राहिला. लग्न बहिणीचं पण चर्चा अनन्याची सुरु आहे. अशातच जेव्हा चंकी पांडे आणि अनन्या पांडे या बापलेकीच्या भन्नाट जोडीने डान्स परफॉर्मन्स दिला तेव्हा सगळे बघतच राहिले. त्यांच्या भन्नाट मूव्ह्सचा हा व्हिडीओ सोशल मीडियावर चांगलाच व्हायरल होत आहे.
अलानाच्या वेडिंग दरम्यान काका चंकी पांडे आणि चुलत बहीण अनन्या पांडे यांनी चार चाँद लागतील असा परफॉर्मन्स दिला आहे. या बापलेकीने ‘सात समुंदर..’ या अतिशय लोकप्रिय गाण्यावर एकमेकांसोबत डान्स केला. यावेळी वयाच्या साठीतही चंकी पांडे यांचा उत्साह पाहून सगळ्यांमध्येच जल्लोष संचारला. शिवाय अनन्याचे कातिल मूव्ह्स आधीच सगळ्यांना घायाळ करत होते. यावेळी अनन्याने डिझायनर साडी परिधान केली होती. ज्यामध्ये ती कमालीची सुंदर दिसत होती. तर चंकी यांनी हिरव्या रंगाचा सूट परिधान केला होता आणि ते आजही हँडसम दिसतात हे सिद्ध करताना दिसले.
अनन्या आणि चंकी पांडे यांचा हा डान्स परफॉर्मन्सचा व्हिडीओ सोशल मीडियावर चांगलाच ट्रेंड करतो आहे. यामध्ये त्यांच्या बाजूला असलेले उपस्थित त्यांच्या परफॉर्मन्सचा व्हिडीओ तयार करताना दिसत आहेत. या व्हिडिओवर अनेक चाहत्यांनी कमेंट कात चंकी पांडे यांच्या उत्साहाची आणि ऊर्जेची तारीफ केली आहे. अनन्याची चुलत बहीण अलाना पांडेने बॉयफ्रेंड आयव्हर मॅक्रेसह मुंबईत लग्नगाठ बांधली. अलानाच्या विवाहसोहळ्याचे काही फोटो आणि व्हिडीओ सोशल मीडियावर व्हायरल होत आहेत. तिच्या लग्नाला बॉलिवूडमधील अनेक सेलिब्रिटींनी हजेरी लावली होती.
Discussion about this post