हॅलो बॉलिवूड ऑनलाईन। हिंदी टेलिव्हिजन विश्वातील अत्यंत लोकप्रिय अभिनेत्री रुबीना दिलैक सोशल मीडियावर प्रचंड सक्रिय असते. यामुळे तिचा चाहता वर्ग तिच्या संपर्कात असतो. सोशल मीडियावर तिला फॉलो करणाऱ्यांची संख्या फार मोठी आहे. त्यामुळे तिचे विविध फोटो, विविध पेहराव, विविध व्हिडिओ यांच्या माध्यमातून ती चाहत्यांच्या चर्चेत राहते. रुबिना हि बिग बॉस हिंदी सीजन 15’ची विजेती आहे. या शोनंतर ती ‘झलक दिखला जा’मध्ये सुद्धा दिसली होती. मात्र आता कामातून थोडा ब्रेक घेत रुबीना गावी गेल्याचे दिसत आहे इतकच नाही तर तिच्या गावातील जीवनशैलीचा ती आनंद घेतेय.
अभिनेत्री रुबीना दिलैक तिच्या कामासोबतच तिच्या खाजगी आयुष्य मुळे अनेकदा चर्चेत राहिली आहे. सोशल मीडियावर विविध पोस्ट शेअर करत ती अनेकदा स्वतःच्या आयुष्यात घडणाऱ्या विविध घडामोडींबद्दल चाहत्यांसोबत चर्चा करताना दिसते. याशिवाय विविध फोटो आणि व्हिडिओ शेअर करत ती आपल्या आयुष्यातील महत्त्वाच्या प्रसंगांना आपल्या चाहत्यांसोबत शेअर करते. याही वेळी तिने असाच एक व्हिडिओ शेअर करत चाहत्यांना अगदी थक्क करून टाकले आहे. रुबीनाचा कधीही न पाहिलेला अंदाज या व्हिडिओ मधून समोर आलाय.
रुबीनाने एक व्हिडीओ आपल्या अधिकृत सोशल मीडिया हँडलवर शेअर केला आहे. या व्हिडिओमध्ये रुबीना हिमाचल प्रदेशच्या पारंपारिक पोशाखात दिसत आहे. यावेळी तिच्या भांगेत सिंदूर आणि कपाळावर टिकलीसुद्धा दिसते आहे. इतकच नाही तर चुलीसमोर बसून रुबीना काहीतरी खाताना दिसते आहे आणि त्याचसोबत यावेळी चुलीवर ती अन्न शिजवताना तसेच चुलीखालील विस्तव वाढवण्यासाठी फुंकणीचा वापर करतानासुद्धा दिसते आहे. रुबीनाचा हा साधेपणा आणि अत्यंत मनापासून या जीवनशैलीचा आनंद घेण्याचा अंदाज नेटकऱ्यांना भारी भावला आहे. त्यामुळे रुबीनाचा हा व्हिडिओ सोशल मीडियावर प्रचंड व्हायरल होतोय.
Discussion about this post