हॅलो बॉलिवूड ऑनलाईन। बॉलिवूडचा बादशाह अभिनेता शाहरुख खानसाठी हे वर्ष अतिशय खास आहे. कारण या वर्षात तो एक नव्हे दोन नव्हे तर तब्बल तीन सिनेमे घेऊन प्रेक्षकांच्या भेटीला येत आहे. काही महिन्यांपूर्वी शाहरुखचा ‘पठाण’ रिलीज झाला आणि प्रेक्षकांनी हा चित्रपट डोक्यावर उचलून घेतला होता. यानंतर आता ‘जवान’ आणि ‘डंकी’ हे दोन सिनेमे या वर्षात बॉक्स ऑफिस गाजवायला सज्ज झाले आहेत. यातील ‘जवान’ या चित्रपटाची चाहते आतुरतेने वाट पाहत यातना नुकताच त्याचा टीझर प्रदर्शित झाला आहे.
शाहरुखने ‘जवान’ची घोषणा केल्यापासूनच प्रेक्षकांमध्ये या चित्रपटबाबत मोठी उत्सुकता पहायला मिळाली आहे. या चित्रपटातील शाहरुखच्या फर्स्ट लूकने प्रेक्षकांचे लक्ष वेधून घेतल्यानंतर आता चित्रपटाच्या टीझरने सोशल मीडियावर धुमाकूळ घातला आहे. गेले अनेक दिवस ‘जवान’ चित्रपटाच्या शूटिंगबाबत विविध बातम्या समोर येत होत्या. मात्र चित्रपट प्रदर्शित कधी होणार याबाबत काही सांगितले जात नव्हते. अशातच आता टीझरसोबत चित्रपटाची रिलीज डेटदेखील समोर आली आहे.
या चित्रपटाचा टीझर प्रेक्षकांचे लक्ष वेधून घेत आहेच. शिवाय रिलीज डेट समोर आल्यामुळे आता कधी एकदा सिनेमा रिलीज होतोय असे वेध लागले आहेत. शाहरुखने त्याच्या इंस्टाग्राम हॅण्डलवर या चित्रपटाचा टीझर शेअर केला आहे. यामध्ये शाहरुखच्या संपूर्ण शरीरावर पट्ट्या बांधून हातात भाला घेत तो हवेत उडी मारताना दिसत आहे. या चित्रपटाचे दिग्दर्शन अटली करत आहेत. तर गौरी खान ‘रेड चिली एंटरटेनमेंट’च्या मार्फत या चित्रपटाची निर्मिती करत आहेत. टीझरसोबत हा चित्रपट ७ सप्टेंबर २०२३ रोजी प्रदर्शित होणार असल्याचे सांगितले जात आहे.
Discussion about this post