हॅलो बॉलिवूड ऑनलाईन। बॉलिवूड सिनेइंडस्ट्रीची ड्रामा क्वीन आणि पॅपराझींची लाडकी राखी सावंत सोशल मीडियावर नेहमीच चर्चेत असते. कधी या कारणामुळे तर कधी त्या कारणामुळे राखीचा सोशल मीडियावर काही ना काही दंगा सुरूच असतो. मध्यंतरी राखी सावंतच्या आईचे निधन झाले, वैवाहिक आयुष्यात अडचणी आल्या आणि यामुळे ती फारच दुःखी झाली होती. पण पती आदिलला धडा शिकवल्यानंतर राखी आता पुन्हा तीच आयुष्य जगू लागली आहे. अशातच राखीला दुबईत तिचा नवा शहजादा भेटल्याचे ती म्हणते आहे. तिचा एक व्हिडीओ सोशल मीडियावर व्हायरल होत आहे.
सध्या राखीचा पती आदिल तुरुंगात आहे. तर राखी मात्र तिचं आयुष्य एन्जॉय करतेय. दरम्यान तिचा एक लेटेस्ट व्हिडिओ खूप व्हायरल होतोय. तसं तर राखी तिच्या अंतरंगीपणामुळे चर्चेत असते. पण यावेळी ती हबीबीमुळे चर्चेत आली आहे. राखीला आता तिचा शेहजादा भेटला असल्याचं तिने स्वतःचं सांगितलं आहे. दुबईमध्ये राखीला हा शहजादा भेटला असून त्यांचा एक व्हिडीओ व्हायरल होतोय. यामध्ये राखी एका व्यक्तीचा हात पकडून चालताना दिसत आहे. राखी म्हणते, ‘या हबीबी… राखी सावंतला मिळाला तिचा हबीबी. हे अरबीजी आहेत. दुबईत आले आणि मला मिळाला माझा शहजादा’. याशिवाय राखी त्यांना अरबी भाषेत तिचं कौतुकदेखील करायला सांगते.
राखी या व्हिडीओमध्ये त्यांचा हात धरून त्यांच्याबरोबर जाताना दिसते आहे. राखीच्या या व्हिडिओवर अनेक नेटकऱ्यांनी विविध प्रतिक्रिया दिल्या आहेत. कुणी मजेशीर तर कुणी संतापून कमेंट्स केल्या आहेत. एका नेटकऱ्याने या व्हिडिओवर लिहिले आहे कि, ‘राखीला सगळ्या टाईपचे नवरे ट्राय करायचे आहेत.. जाडा, बारीक, उंच, छोटा..’. याशिवाय आणखी एकाने लिहिले आहे कि, ‘तो काय लहान मुलगा नाही की तू त्याला गोल गोल फिरवतेस’. तर आणखी एका नेटकाऱ्याने म्हटले, ‘राखीचा होणारा पती’. तर आणखी एक युजर म्हणाला, राखीला अजून किती हबीबी हवेत.. विचारा रे तिला!’
Discussion about this post