हॅलो बॉलिवूड ऑनलाईन। गेल्या काही महिन्यांपासून बॉलिवूड अभिनेत्री परिणीती चोप्रा आणि आम आदमी पार्टीचे खासदार राघव चड्ढा यांच्या रिलेशनशिपमध्ये असण्याबाबत चर्चा सुरु होती. अनेकदा विविध ठिकाणी परिणीती आणि राघव यांना एकत्र स्पॉट केले गेले. इतकेच काय तर अनेकदा पँपराझींनी त्यांच्या नात्याबद्दल त्यांना विचारले. पण दोघांनीही आपल्या नात्याबद्दल कधी चकार शब्द काढला नाही. थेट साखरपुडा केला आणि मग फोटो शेअर केले आहेत.
परिणीती चोप्रा आणि राघव चड्ढा यांचा नुकताच साखरपुडा संपन्न झाला असून त्यांच्या या खास क्षणाचे फोटो सोशल मीडियावर व्हायरल होत आहेत. या फोटोंमध्ये परिणीती आणि राघव दोघेही एकमेकांसोबत अत्यंत सुंदर दिसत आहेत. या खास क्षणाची हे दोघे आतुरतेने वाट पाहत होते. मात्र तरीही माध्यमांसमोर एकदाही आपल्या नात्याची त्यांनी जाहीर कबुली दिली नाही. असो. या जोडप्याचे हे क्युट फोटो सोशल मीडियावर व्हायरल झाले आहेत. साखरपुड्यासाठी दोघांनीही ऑफ व्हाईट रंगाचे कपडे परिधान केले होते. त्यामुळे त्यांचा लूक अतिशय रॉयल फील देत होता.
परिणीती आणि राघव यांचा साखरपुडा शनिवारी दिल्लीत पार पडला. त्यांच्या साखरपुड्यासाठी अनेक सेलिब्रीटी मंडळी, राजकारणी मंडळी तसेच दोघांचे कुटुंब अन निकटवर्तीय दोस्त मंडळी हजर होते. या आनंदाच्या क्षणी दोघांच्याही चेहऱ्यावर एक अनोखं तेज दिसून येत होत. त्यांचे हे रोमँटिक फोटो सोशल मीडियावर चांगलेच व्हायरल होत असून चाहते यावर शुभेच्छांचा वर्षाव करत आहेत.
Discussion about this post