हॅलो बॉलिवूड ऑनलाईन। गेल्या अनेक दिवसांपासून चर्चेत असलेली अभिनेत्री परिणीती चोप्रा आणि आम आदमी पार्टीचे खासदार राघव चड्ढा यांची लव्हस्टोरी आता एक पाऊल पुढे सरकली आहे. काल अत्यंत जवळचे नातेवाईक, राजकारणी मंडळी, सिने विश्वातील कलाकार मंडळी आणि मित्र परिवाराच्या उपस्थितीत राघव- परिणीती यांचा साखरपुडा मोठ्या जल्लोषात पार पडला. दरम्यान साखरपुडा झाल्यानंतर हे लव्हबर्ड अत्यंत रोमँटिक अंदाजात दिसले. त्यांचा एक व्हिडीओ सोशल मीडियावर व्हायरल होत आहे. जो पाहून नेटकरी त्यांच्यावर प्रेमाचा वर्षाव करत आहेत.
बॉलीवुड जगतात कालपासून एकच चर्चा आहे ती परिणीती चोप्रा आणि राघव चड्ढा यांच्या साखरपुड्याची. या मोस्ट पॉप्युलर जोडीचा काल दिल्ली मध्ये आलीशान सोहळ्यात शाही पद्धतीने साखरपुडा पार पडला. आता या साखरपुड्यातील बरेच व्हिडिओ व्हायरल झाले. त्यापैकीच एक व्हिडिओ म्हणजे राघव आणि परिनिती यांच्या डान्सचा क्युट व्हिडीओ.
परिणीती तिच्याच केसरी चित्रपटातील ‘माही वे’ या रोमँटिक गाण्यावर राघवसोबत डान्स करताना दिसत आहे. यावेळी परिणीती रागावला छेडताना दिसतेय तर राघव तिला जवळ घेत गालावर किस करताना दिसले आहेत.
याशिवाय राघव आणि परिणीती सोबत त्यांच्या आनंदात सहभागी झालेली मंडळीदेखील डान्स करताना दुसऱ्या एका व्हिडिओमध्ये दिसत आहेत. यावेळी राघवने आपल्यासोबत रोमॅंटिक डान्स करणे परिणीतीला अपेक्षित असताना तो मात्र आपल्या स्नेहींसोबत थेट भांगडा करताना दिसला आहे. हे दोन्ही व्हिडिओ सध्या सोशल मीडियावर तुफान व्हायरल होत आहेत. या सोहळ्यात विशेष संगीताची व्यवस्था करण्यात आली होती. हि संगीतमय धमाल आणण्यासाठी २ पंजाबी गायक या सोहळ्याला उपस्थित होते.
Discussion about this post