हॅलो बॉलिवूड ऑनलाईन। मराठी अभिनेत्री प्रार्थना बेहरे तिच्या अभिनयासह, सौंदर्यामुळे आणि युनिक स्माईलमुळे प्रकाशझोतात आली आहे. मालिका तसेच चित्रपटांमधून तिने प्रेक्षकांच्या मनात स्वतःची एक वेगळी जागा निर्माण केली आहे. काही महिन्यांपूर्वीच तिच्या ‘माझी तुझी रेशीमगाठ’ या मालिकेने निरोप घेतला. पण या मालिकेतील तिने साकारलेली नेहा प्रेक्षकांच्या आजही लक्षात आहे. सुंदर, सोज्वळ आणि सालस अशी नेहा प्रेक्षकांना प्रचंड भावली. तसा प्रार्थनाचा हा अंदाज भावणार नाही असे होणे शक्यच नाही. ती मुळातच इतकी सुंदर आहे कि कोणत्याही भूमिकेत आणि आऊटफिटमध्ये ती कमाल दिसते. नुकतंच तिने नवं फोटो शूट शेअर केलं आहे. जे सोशल मीडियावर व्हायरल होत आहे.
आजच युग हे डिजिटल यूग आहे. त्यामुळे जो तो सोशल मीडियाचा वापर करतो. म्हणूनचं कलाकार मंडळीदेखील सोशल मीडियावर सक्रिय असतात. कारण या माध्यमातून त्यांना चाहत्यांच्या नजरेत आणि चर्चेत राहता येतं. अभिनेत्री प्रार्थना बेहरेसुद्धा सोशल मीडियावर कायम सक्रीय असते. यामुळे सोशल मीडियावर तिला फॉलो करणाऱ्यांची संख्या फार मोठी आहे. शिवाय चाहत्यांचे लक्ष वेधण्यासाठी प्रार्थना नेहमीच हटके पोझमधील फोटो, वेगवेगळे लूक आणि व्हिडीओ शेअर करत असते. आताही तिने असंच फोटोशूट शेअर केला आहे. ज्यामध्ये तिचा बिनधास्त अंदाज भाव खाऊन जातोय. असं असलं तरी काही नेटकरी मुद्दाम खोड्या करण्यात नेहमी धन्यता मानतात. याहीवेळी असंच काहीसं झालं आहे.
या फोटोंमध्ये प्रार्थना कमालीची सुंदर दिसते आहे. तिच्या डोळ्यातले भाव न बोलूनही बरंच बोलत आहेत. या फोटोंमध्ये तिची देहबोली आणि नजर अक्षरशः घायाळ करतेय असे म्हटले तरी वावगे ठरणार नाही. तरीही यावर काही नेटकऱ्यांनी तिला ट्रोल करण्याचा पुरेपूर प्रयत्न केला आहे.
एका नेटकऱ्याने तिच्या नखांविषयी बोलताना लिहिलं आहे कि, ‘ए बाई नख काढून टाक पोटात अळ्या होतील’. तर आणखी म्हटलं आहे कि, ‘कशासाठी काढायचे असतात असे फोटो..? मानधन मिळतं का..?’. याशिवाय प्रार्थनाच्या चाहत्यांनी तिच्यावर प्रेमाचा वर्षाव करत हार्ट ईमोजी, फायर ईमोजी शेअर केले आहेत.
Discussion about this post