हॅलो बॉलिवूड ऑनलाईन। मराठी मनोरंजन सृष्टीतील लोकप्रिय अभिनेत्री स्पृहा जोशी जितकी उत्तम अभिनेत्री तितकीच उत्तम कवयित्री, ब्लॉगर आणि सूत्रसंचालक आहे. स्पृहाचा स्वतःचा असा वेगळा चाहता वर्ग आहे. जो नेहमीच तिच्यावर प्रेमाचा वर्षाव करत असतो. स्पृहाने आतापर्यंत विविध माध्यमातून विविध भूमिका साकारत आपल्या चाहत्यांचे मनोरंजन केले आहे. आताही स्पृहा ‘लोकमान्य’ या मालिकेत मुख्य भूमिकेत झळकत आहे. या आठवड्यात हि मालिका १०० भाग पूर्ण करत आहे आणि यानिमित्त तिने खास पोस्ट शेअर केली आहे.
झी मराठीवरील ‘लोकमान्य’ ही मालिका लोकमान्य बाळ गंगाधर टिळक यांच्या जीवनावर आधारित आहे. या मालिकेतून लोकमान्य टिळकांची जीवनगाथा मांडण्यात आली आहे. लोकमान्य टिळकांच्या भूमिकेत अभिनेता भूमिकेत क्षितिज दाते तर त्यांची पत्नी सत्यभामाबाई यांची भूमिका अभिनेत्री स्पृहा जोशी साकारत आहे. येत्या काही भागांतच या आठवड्यात ‘लोकमान्य’ हि मालिका १०० भागांच्या पूर्तीचा टप्पा पार करणार आहे. यानिमित्ताने स्पृहा जोशीने तिच्या अधिकृत सोशल मीडिया हँडलवर एक पोस्ट शेअर केली आहे. यामध्ये तिने आपला आनंद व्यक्त केला आहे.
स्पृहाने ही पोस्ट शेअर करताना लिहिले आहे कि, ‘बघता बघता ‘लोकमान्य’चे १०० भाग या आठवड्यात पूर्ण होतील. २०२३ मध्ये माझ्या आयुष्यात घडलेली ही सर्वात चांगली गोष्ट आहे. प्रवास चालू राहीलच. त्यात हे सोबती मिळाले हा आनंद मोठा आहे’. या पोस्ट सोबत स्पृहाने मालिकेतील भूमिकेचा आणि मालिकेतील सहकलाकार क्षितिशसोबतच एक ब्लॅक अँड व्हाईट फोटो शेअर केला आहे. स्पृहाने शेअर केलेल्या या खास पोस्टवर अनेक प्रेक्षक आणि नेटकरी कमेंट करत त्यांच्या भूमिकांचे कौतुक करत आहेत.
Discussion about this post