हॅलो बॉलिवूड ऑनलाईन। बॉलीवुड सिनेविश्वाचा खिलाडी अर्थात अभिनेता अक्षय कुमार हा प्रेक्षकांचा अत्यंत लाडका कलाकार आहे हे काही वेगळं सांगायला नको. अक्षय कुमारचे गेल्या वर्षभरातील सिनेमे पडले असले तरीही त्याचा सिनेमा येणार म्हटलं कि त्याच्या चाहत्यांमध्ये एक वेगळाच उत्साह पहायला मिळतो. अशातच आता अक्षय कुमारचा बहुप्रतीक्षित सिनेमा ‘ओह माय गॉड २’चं नवंकोरं पोस्टर रिलीज झालं आहे. इतकंच काय तर त्याची रिलीज डेट देखील समोर आली आहे.
अभिनेता अक्षय कुमार याने आपल्या अधिकृत सोशल मीडिया हॅण्डल इंस्टाग्रामवर आपला आगामी सिनेमा ‘ओह माय गॉड २’चे पोस्टर शेअर केले आहे. या पोस्टरमध्ये अक्षय कुमार महादेवासारखी छबी दर्शवत आहे. मोठं मोठ्या जटा, हातात डमरू, अंगभर भस्म आणि आणि गळ्यात रुद्र माळ असा अक्षयचा लूक दिसतो आहे. ‘ओह माय गॉड’ चित्रपटाच्या यशानंतर त्याच्या पुढील भागाबाबत आधीपासून प्रेक्षकांमध्ये उत्सुकता होती. अखेर आता प्रतिक्षा संपली आहे आणि रिलीज डेट समोर आली आहे.
‘ओह माय गॉड २’च्या या पोस्टारमध्ये ११ ऑगस्ट लिहिलेले दिसत आहे. शिवाय कॅप्शनमध्ये अक्षयने लिहिले आहे कि, ‘आम्ही येतोय.. तुम्हीही या.. ११ ऑगस्ट रोजी थिएटरमध्ये.. ओह माय गॉड २’. अक्षयचा शिव स्वरूप लूक पाहून या भागात अक्षय महादेवाचे रूप घेऊन भक्ती अन विश्वासध्या जोरावर मनोरंजन करताना दिसणार आहे. या सिनेमाच्या पहिल्या भागात अक्षय कुमारसोबत परेश रावल आणि मिथुन चक्रवर्ती यांच्याही महत्वपूर्ण भूमिका होत्या. तर दुसऱ्या भागात अक्षय कुमारसोबत यामी गौतम आणि पंकज त्रिपाठी मुख्य भूमिकेत झळकणार आहेत असे समोर आले आहे. या सिनेमातून एक वेगळा विषय समोर येईल जो भक्ती आणि मनोरंजनाची सांगड घालणार आहे.
Discussion about this post