हॅलो बॉलिवूड ऑनलाईन । हिंदी चित्रपटांतील सर्वात लोकप्रिय रोमँटिक चित्रपटांपैकी एक चित्रपट म्हणजे “रेहना है तेरे दिल में”. २००१ वर्षात प्रदर्शित झालेला हा चित्रपट आर माधवन आणि दिया मिर्झा यांसोबत चित्रित करण्यात आला होता. आज तब्बल २० वर्षांनी देखील या चित्रपटातील गाणी प्रेक्षकांच्या पसंतीत आहेत. आता ‘रेहना है तेरे दिल में” चा सिक्वल लवकरच येणार असल्याची माहिती मिळत आहे.
पिंकवीलच्या रिपोर्ट नुसार लवकरच या चित्रपटाचा सिक्वल प्रेक्षकांच्या भेटीस येणार आहे. या सिक्वल मध्ये मुख्य भूमिकेत क्रिती सनन आणि विकि कौशल दिसणार आहेत. चित्रपटासंदर्भात विकि आणि क्रिती यांच्याशी बोलणे सुरु आहे. रिपोर्टनुसार या चित्रपटासाठी नव्या चेहऱ्याचा शोध सुरु होता. दरम्यान कास्टिंग डिरेक्टरने विकी आणि क्रिती चे नाव सुचवले. या भूमिकांसाठी दोघांनीही आपला इंटरेस्ट दाखवला आहे. त्यामुळे सध्या तारखांवर काम सुरु असून २०२२ च्या अखेरीस चित्रपटाचे काम सुरु होईल.
सध्या विकी कौशल ‘द इम्मॉर्टल अश्वत्थामा’ या चित्रपटामुळे चांगलाच चर्चेत आहे. यात त्याच्यासोबत सारा अली खान दिसणार आहे. तर क्रिती “आदिपुरुष” या चित्रपटात झळकणार आहे. या चित्रपटात प्रभास श्रीरामाची आणि क्रिती सीतेची भूमिका साकारणार आहेत. तसेच सैफ अली खान रावणाच्या भूमिकेत दिसणार असल्याची चर्चा आहे. या चित्रपटात आणखी कोणकोणते कलाकार पाहायला मिळतील याची प्रेक्षकांमध्ये उत्सुकता आहे.
Discussion about this post