हॅलो बॉलिवूड ऑनलाईन। स्टार प्रवाह वाहिनीच्या परिवार पुरस्काराची प्रतीक्षा लवकरच संपणार आहे. ४ एप्रिलच्या सायंकाळी ७ वाजता हा सोहळा वाहिनीवर पाहायला मिळणार आहे. सोहळ्यातील कोणते पुरस्कार कोणाला मिळणार या उत्सुकतेसह स्टार प्रवाह परिवारातील सदस्यांचे धमाकेदार परफॉर्मन्स पाहण्याची देखील उत्सुकता प्रेक्षकांमध्ये आहे. मात्र वाहिनीवरील मालिकांमध्ये खलनायकाची भूमिका साकारणाऱ्या कलाकारांचा नृत्याविष्कार हा खास पर्वणी ठरणार आहे .
आई कुठे काय करते मालिकेतील अनिरुद्ध, सुख म्हणजे नक्की काय असतं मालिकेतील शालिनी, रंग माझा वेगळा मालिकेतली श्वेता, स्वाभिमान मालिकेतील सुपर्णा सुर्यवंशी आणि मुलगी झाली हो मालिकेतील विलास पाटील यांचा खलनायकी अनोखा अंदाज या सोहळ्यात पाहायला मिळणार आहे.
या पुरस्काराच्या परिक्षणाची जबाबदारी भरत जाधव, श्रीरंग गोडबोले, मंगल केंकरे, वैजयंती आपटे आणि मिलिंद इंगळे या दिग्गजांनी पार पडली आहे. स्टार प्रवाह परिवार पुरस्कारांचं हे पहिलंच वर्ष असल्यामुळे सर्वच सदस्यांमध्ये आणि प्रेक्षकांमध्ये उत्सुकतेचं वातावरण आहे.
Discussion about this post