हॅलो बॉलिवूड ऑनलाईन। दाक्षिणात्य संगीत विश्वातील अत्यंत प्रसिद्ध आणि लोकप्रिय गायिका रक्षिता सुरेशचा मोठा अपघात झाल्याची माहिती मिळत आहे. याबाबत तिने स्वतःच अधिकृत सोशल मीडिया हँडलवर एक पोस्ट शेअर केली आहे. ‘पोन्नियिन सेल्वन २’ या चित्रपटासाठी रक्षिता सुरेशने गाणी गायली आहेत. मिळालेल्या माहितीनुसार, रक्षिता सध्या मलेशियामध्ये राहते आहे आणि तिचा अपघातदेखील तिथेच झाला. रविवारी कामानिमित्त बाहेर पडलेल्या रक्षितची चारचाकी गाडी थेट डिव्हायडरला जाऊन धडकली आणि हा अपघात झाला.
गायिका रक्षिता सुरेशने तिच्या अधिकृत सोशल मीडिया हॅण्डल इंस्टाग्रामवर या अपघाताची माहिती देताना एक पोस्ट शेअर केली आहे. यामधूनच तिच्या चाहत्यांना या अपघाताची माहिती मिळाली आणि ते चिंता व्यक्त करत आहेत. हि पोस्ट रक्षिताने ७ मे २०२३ रोजी शेअर केली आहे. यामध्ये तिने म्हटले आहे कि, ‘आज माझा एक मोठा अपघात झाला. मी सकाळी मलेशियातील विमानतळावर जात असताना प्रवास करत असलेली कार डिव्हायडरला धडकली आणि रस्त्याच्या कडेला पडली. त्या १० सेकंदात माझे संपूर्ण आयुष्य माझ्यासमोर आले’.
पुढे रक्षिताने लिहिले आहे कि, ‘एअरबॅग्जमुळे आम्ही वाचलो. नाहीतर गोष्टी आणखी बिघडू शकल्या असत्या. घडलेल्या प्रकारामुळे आम्ही घाबरलो आहोत आणि इतर सह प्रवासी सुरक्षित आहेत. सर्वांना किरकोळ जखमा झाल्या आहेत. आम्ही वाचलो’. रक्षिताची ही पोस्ट सोशल मीडियावर प्रचंड व्हायरल झाली असून तिचे चाहते चिंता व्यक्त करताना दिसत आहेत. गायिका रक्षिता सुरेशने ‘पोन्नियिन सेल्वन २’ या चित्रपटामध्ये ‘किरुनागे’ हे गाणे गायले आहे. याआधी रक्षिता सुरेशने २००९ साली लिटिल स्टार सिंगर रिअॅलिटी शो जिंकला होता.
Discussion about this post