हॅलो बॉलिवूड ऑनलाईन। आपण पहिले असाल अनेक मराठी कलाकार त्यांच्या लहान मुलांसोबतचे व्हिडिओ सोशल मीडियावर शेअर करताना दिसतात.. आपल्या मुलांसोबत मस्ती करतानाचे गोड क्षण ते फॅन्ससोबत शेअर करत असतात. अभिनेत्री नम्रता संभेराव सुद्धा तिच्या मुलासोबतचे व्हिडीओ शेअर करीत असते. असाच एक व्हिडिओ इन्स्टाग्रामवर व्हायरल होताना दिसतोय. या व्हिडीओत नम्रताचा मुलगा ऋद्राज आईचा शो महाराष्ट्राची हास्य जत्रा या कॉमेडी शोचे नाव आपल्या बोबड्या शब्दात बोलताना दिसतोय. एकीकडे या शो चे अनेको फॅन आहेत मात्र हा छोटुसा फॅन अगदी खासच आहे नाही का? त्याचा हा गॉड अंदाज प्रेक्षकांना अत्यंत भावला आहे.
या व्हिडिओत ऋद्राज अगदी गोड असे बोबडे बोलताना दिसतोय. त्यामुळे ऋद्राजच्या या गोड अंदाजावर सगळेच भाळले आहेत. म्हणायचं झालच तर, अगदी ट्रेंडिंग कमेंटसारखंच ऋद्राजची अदा आणि सगळे फिदा. नम्रता आणि ऋद्राज यांच्या या व्हिडिओला अनेक मराठी सेलिब्रिटींनी कमेंट दिल्या आहेत. महाराष्ट्राच्या हास्यजत्रेचा सगळ्यात छोटा पण मोठा फॅन, ह्या दिवसाची मी आतुरतेने वाट पहात होते, असे कॅप्शन नम्रताने हा व्हिडीओ शेअर करताना दिले आहे.
‘फु बाई फु’, ‘कॉमेडीची बुलेट ट्रेन’ या विनोदी कार्यक्रमांमधून प्रेक्षकांना खळखळून हसवत नम्रताने प्रेक्षकांच्या मनावर राज्य केले आहे. तर ‘पुढचं पाऊल’, ‘लज्जा’, या गोजिरवाण्या घरात’, ‘एक मोहोर अबोल’ या मालिकांमधून तिने गंभीर धाटणीच्या भूमिका देखील निभावल्या. ‘बाबू बँड बाजा’ या चित्रपटातील तिच्या अभिनयाचे विशेष कौतुक झाले. विशेष म्हणजे प्रियंका चोप्राची निर्मिती असलेल्या ‘व्हेंटिलेटर’ या चित्रपटात तिने साकारलेली भूमिकासुद्धा अत्यंत गाजली. नम्रताने छोट्या आणि मोठ्या पडद्यासोबतच रंगभूमीवरसुद्द्धा आपले वेगळे स्थान निर्माण केलं आहे.
Discussion about this post