हॅलो बॉलिवूड ऑनलाईन। अभिनेता आणि दिग्दर्शक रितेश देशमुख अत्यंत लोकप्रिय कलाकार आहे. केवळ बॉलिवूड नव्हे तर मराठी सिनेविश्वातही त्याची हवा आहे. यामुळे त्याचा चाहता वर्ग प्रचंड मोठा आहे. सोशल मीडियावर रितेशच्या फॉलोवर्सची संख्या देखील मोठी आहे. त्यात तो स्वतः सोशल मीडियावर फार सक्रिय असतो. यामुळे विविध पोस्ट शेअर करून तो चाहत्यांचे लक्ष वेधून घेताना दिसतो. अनेकदा रितेश विविध फोटो तसेच पत्नी अभिनेत्री जिनिलिया सोबतचे कॉमिक व्हिडीओ शेअर करताना दिसतो. यावेळीही त्याने असाच एक व्हिडीओ शेअर करून चाहत्यांचे लक्ष वेधून घेतले आहे.
अभिनेता रितेश देशमुख याने अधिकृत सोशल मीडिया हॅण्डल इंस्टाग्रामवर एक व्हिडीओ शेअर केला आहे. या व्हिडिओमध्ये रितेश म्हणतोय कि, ‘लग्न जरूर केलं पाहिजे.. कारण यामुळेच समजत कि लग्न का केलं नाही पाहिजे’. रितेशचा हा कॉमिक व्हिडीओ पाहून नेटकऱ्यांमध्ये चांगलाच हशा पिकला आहे. रितेशचा हा व्हिडीओ सोशल मीडियावर व्हायरल होत आहे. यावर अनेकांनी विविध प्रतिक्रिया देत आणखीच मजा आणली आहे. असे बरेच व्हिडीओ रितेश आणि जिनिलिया सोशल मीडियावर शेअर करत असतात.
रितेशने शेअर केलेल्या या कॉमिक व्हिडिओवर अनेक नेटकऱ्यांनी कमेंट केल्या आहेत. एका नेटकऱ्याने लिहिले आहे कि, ‘मी पण पुढच्या २ वर्षांनी करणार आहे भाऊ..’. आणखी एकाने लिहिले आहे कि, ‘मग वेड चित्रपट कशाला बनवला.. म्हणे शादी क्यू नहीं करनी चाहिये’. तसेच आणखी नेटकऱ्याने लिहिले आहे कि, ‘माहितेय आम्हाला.. म्हणूनच तू लग्न केलं आहेस.. हा हा.. ‘
Discussion about this post