हॅलो बॉलिवूड ऑनलाईन। अलीकडेचप्रदर्शित झालेला ‘द केरला स्टोरी’ हा चित्रपट अत्यंत वादग्रस्त वातावरणातही बॉक्स ऑफिसवर चांगली कमाई करतोय. या चित्रपटातून धर्मांतर आणि लव्ह जिहादसारख्या विषयावर प्रखरपणे भाष्य करण्यात आले आहे. त्यामुळे या चित्रपटावर मोठ्या प्रमाणात राजकारणदेखील सुरु आहे. दरम्यान या चित्रपटात मुख्य भूमिका साकारलेली अभिनेत्री अदा शर्माचा आज वाढदिवस आहे.
हिंदू धर्मातून इस्लामकडे वळल्याने दहशतवादी संघटनेच्या प्लॅनिंगला बळी गेलेल्या तरुणीची तिने भूमिका साकारली आहे. या भूमिकेसाठी तिचे कौतुक केले जात आहे. एकीकडे चित्रपट आणि भूमिकेसाठी मिळणार प्रेम अन त्यातच वाढदिवस. त्यामुळे हा वाढदिवस तिच्यासाठी खास आहे आणि म्हणून ती शिवचरणी नतमस्तक झाली आहे.
आज ११ मे रोजी अभिनेत्री अदा शर्मा तिचा ३१ वा वाढदिवस साजरा करते आहे. दरम्यान तिच्या चित्रपटावर दोन मतप्रवाह तयार झाल्याचे दिसत आहे. एकीकडे चित्रपटावरुन वाद सुरु आहेत तर दुसरीकडे कौतुकाचा वर्षाव. दरम्यान अदा तिच्या वाढदिवसानिमित्त महादेवाच्या दर्शनासाठी पोहोचली आणि शिवचरणी नतमस्तक झाली आहे. देवाचा आशीर्वाद घेऊन तिने शिव नामाचा जापदेखील केला आहे. अदाने या चित्रपटात फातिमा साकारली असताना तिचा हा व्हिडिओ समोर आला आहे. ज्यामध्ये ती शिवभक्तीत न्हाहून गेली आहे. यावेळी ती महादेवाच्या पिंडीसमोर बसून शिव तांडव स्तोत्र म्हणताना दिसत आहे.
अभिनेत्री अदा शर्माने तिचा एक तिच्या अधिकृत सोशल मीडिया हॅण्डल इंस्टाग्रामवर शेअर केला आहे. यामध्ये ती मंदिरातील शिवलिंगासमोर बसलेली दिसत आहे आणि सोबतच ती शिव तांडव पठण करताना दिसतेय. तिने हा व्हिडिओ शेअर करताना कॅप्शनमध्ये लिहिले आहे की, ‘माझ्या उर्जेचे रहस्य. ऊर्जा जी मला निर्बंधांचा सामना करण्याची परवानगी देते. मला तुमचं मानल्याबद्दल धन्यवाद’. अदाचा हा व्हिडिओ सध्या सोशल मिडियावर चांगलाच व्हायरल होतो आहे. तिचे चाहते यावर तिला वाढदिवसाच्या शुभेच्छा देत आहेत शिवाय तिचे कौतुकही करत आहेत.
Discussion about this post