हॅलो बॉलिवूड ऑनलाईन। बॉलिवूड अभिनेत्री श्रद्धा कपूर लवकरच तिच्या आगामी चित्रपटात डबल रोल करताना दिसणार आहे. ‘चालबाज इन लंडन’ हे चित्रपटाचे नाव असून तिने नुकतीच याबाबत आपल्या सोशल मीडिया अकाउंटवर माहिती दिली आहे. इन्स्टाग्रामवर एक पोस्ट शेअर करीत तिने नव्या कोऱ्या चित्रपटाची घोषणा केली आहे.
https://www.instagram.com/p/CNM6QiNFf3y/?utm_source=ig_web_copy_link
‘चालबाज इन लंडन’ या चित्रपटाचा टिझर नुकताच प्रदर्शित करण्यात आला आहे. १९८९ साली दिवंगत अभिनेत्री श्रीदेवीसोबत चित्रित झालेला ‘चालबाज’ या चित्रपटातील गाण्यावर हा टिझर प्रदर्शित करण्यात आला आहे. ‘चालबाज इन लंडन’ या चित्रपटासाठी मी फार उत्सुक आहे”, असे म्हणत श्रद्धाने हा टिझर तिच्या चाहत्यांसोबत सोशल मीडियावर शेअर केला आहे. पंकज पराशर यांनी ‘चालबाज इन लंडन या चित्रपटाचे दिग्दर्शन केले आहे. विशेष म्हणजे श्रीदेवीच्या ‘चालबाज’ या चित्रपटाची निर्मिती त्यांनीच केली होती. भूषण कुमार, कृष्ण कुमार, अहमद खान आणि शायरा खान यांनी या चित्रपटाची निर्मिती केली आहे.
एका मुलाखतीदरम्यान श्रद्धाने म्हटले आहे, मी स्वत:ला खूपच नशीबवान समजते. चालबाज इन लंडनसाठी त्यांनी माझी निवड केल्याने माझा आनंद द्विगुणित झाला आहे. विशेष म्हणजे मला यात डबल रोल करण्याची पहिल्यांदाच संधी मिळत आहे. एक अभिनेत्री म्हणून मला ही जबाबदारी यशस्वीरित्या पार पाडायची आहे. भूषण सर आणि अहमद सर यांच्यामुळे हे काम करताना कोणत्याच अडचणी येणार नाहीत. त्यामुळे आता श्रद्धाला डबल रोल मध्ये पाहण्यासाठी चालबाज इन लंडन चित्रपटाबाबत तिच्या चाहत्यांमध्ये उत्सुकता वाढली आहे.
Discussion about this post