हॅलो बॉलिवूड ऑनलाईन। सध्या सोशल मीडियावर बॉलिवूडचा सिंघम अर्थात अभिनेता अजय देवगणच्या ‘भोला’ या चित्रपटाची जबरदस्त चर्चा सुरु आहे. या चित्रपटात त्याच्यासोबत अभिनेत्री तब्बू पुन्हा एकदा पोलीस अधिकाऱ्याच्या भूमिकेत दिसणार आहे. त्यामुळे दृश्यमनंतर हि जोडी पुन्हा एकदा एकत्र पहायला प्रेक्षक आतुर आहेत. असे असतानाच विचारांनाही विचार करायला लावणारा आणि बॉक्स ऑफिसवर बक्कळ कमाई करणारा ‘दृश्यम २’ लवकरच टीव्हीवर प्रक्षेपित केला जाणार आहे.
‘दृश्यम’च्या पहिल्या भागानंतर त्याचा दुसरा भाग देखील तुफान गाजला. थिएटरमध्ये कमल केल्यानंतर ‘दृश्यम २’ या चित्रपटाने ओटीटीवरदेखील धुमाकूळ घातला. आता हाच चित्रपट छोट्या पडद्यावर म्हणजेच टीव्हीवर प्रक्षेपित केला जाणार आहे. त्यामुळे प्रेक्षक आता कोणतीही किंमत न मोजता हा चित्रपट पाहू शकणार आहेत. येत्या २५ मार्च २०२३ रोजी रात्री ८ वाजता कलर्स सिनेप्लेक्स या वाहिनीवर ‘दृश्यम २’ प्रक्षेपित होणार आहे. कलर्स सिनेप्लेक्स वाहिनीने आपल्या याबाबतची माहिती आपल्या अधिकृत सोशल मीडिया हॅण्डल इंस्टाग्रामवर एक पोस्ट शेअर करत दिली आहे.
‘दृश्यम २’ हा चित्रपट १८ नोव्हेंबर २०२२ रोजी सर्वत्र चित्रपटगृहात प्रदर्शित झाला होता. या चित्रपटाने अनेक आठवडे थिएटर गाजवत बॉक्स ऑफिस दणाणून सोडले. या चित्रपटाने २३९ कोटीहून अधिक कमाई केली आहे. या चित्रपटाचे कथानक पहिल्या भागाला धरून पुढे पुढे दाखवण्यात आले आहे. ‘दृश्यम २’मध्ये अजय देवगण, तब्बू, श्रिया सरन, अक्षय खन्ना या कलाकारांच्या मुख्य भूमिका आहेत. तसेच या चित्रपटात नेहा जोशी, सिद्धार्थ बोडके यांसारखे मराठमोळे कलाकारदेखील दिसले आहेत.
Discussion about this post