हॅलो बॉलिवूड ऑनलाईन। बॉलिवूडचा खिलाडी अक्षय कुमार नेहमीच विविध कथानकाच्या चित्रपटातून प्रेक्षकांचे मनोरंजन करताना दिसतो. सध्या त्याचा आगामी चित्रपट ‘कट्पूतली’ प्रचंड चर्चेत आहे. एक वेगळं आणि आकर्षक कथानक, मन भेदरवुन सोडणार आणि डोकं भंडावणारं… या चित्रपटाचा ट्रेलर अलीकडेच प्रदर्शित झाला आहे. सोबतच अभिनेता अक्षय कुमारचा फर्स्ट लुकदेखील सोशल मीडियावर ट्रेंड करतो आहे. या चित्रपटात अक्षय पोलिसाच्या भूमिकेत आहे आणि तो एका सीरियल किलरच्या शोधात आहे. दरम्यान तो काय कमावतो आणि काय गमावतो हे पाहणे रंजन ठरणार आहे. हा एक सायको थ्रिलर चित्रपट असून याचे कथानक दाक्षिणात्य सिनेमा ‘रत्सासन’शी मिळते आहे.
बॉलिवूड अभिनेता अक्षय कुमार सह या चित्रपटात अभिनेत्री रकुल प्रीत सिंग मुख्य महिला व्यक्तिरेखेत दिसणार आहे. ‘कट्पूतली’ची कथा हि कसौली नावाच्या एका शहरात घडणाऱ्या खुनांभोवती गुंफली आहे. या चित्रपटाच्या ट्रेलरमध्ये आपण पाहू शकतो कि, भेदरलेले शहर आणि मोकाट फिरणारा सिरीयल किलर यामुळे पोलिसांची दाणादाण उडाली आहे. यातील पोलिसाच्या मध्यवर्ती भूमिकेत अक्षय कुमार दिसतोय. तर एका शिक्षिकेच्या भूमिकेत अभिनेत्री रकुल प्रीत सिंग दिसणार आहे. हा ट्रेलर साधारण २ मिनिटांचा असून होश उडवणारा आहे.
या ट्रेलरमध्ये अक्षयआणि रकुलबरोबर अन्य मुख्य भूमिकेत सरगून मेहता, चंद्रचूड सिंग आणि गुरप्रीत घुग्गी देखील आहेत. यांची पोलिसांची एक टीम सीरियल किलरचा पाठलाग करताना दिसणार आहे. थंड हवेचे ठिकाण असणाऱ्या कसौलीत खुनांचे हे सत्र सुरु झाले आहे. मुख्य म्हणजे मारेकऱ्याच्या निशाण्यावर केवळ आणि केवळ शाळकरी मुली आहेत. आतापर्यंत ३ खून झाले असून अक्षय आणि त्याच्या टीमकडे हे हत्याकांड थांबवण्यासाठी फक्त २ दिवस आहेत. या दोन दिवसात तो आणि त्याची टिम या खुन्याला पकडू शकेल का..? यासाठी ‘कट्पूतली’ हा चित्रपट येत्या २ सप्टेंबर २०२२ रोजी डिस्नी प्लस हाॅटस्टार या ओटीटी प्लॅटफॉर्मवर जरूर पहा.
Discussion about this post