हॅलो बॉलिवूड ऑनलाईन। बॉलिवूडचे महानायक अभिनेते अमिताभ बच्चन यांची नात नव्या नवेली नंदा ही भले अभिनेत्री नसेल किंवा इंडस्ट्रीत सक्रिय नसेल पण सोशल मीडियावर प्रचंड चर्चेत असते. तिची लोकप्रियता एखाद्या एखाद्या सेलिब्रिटी स्टारसारखीच आहे. सोशल मीडियावर तिला चर्चेत येण्यासाठी कोणतही कारण पुरेसं असताना सध्या ती एका अभिनेत्यासोबत डेटिंग शेटींग करतेय असं बोललं जात आहे. हा अभिनेता कोण आहे याबाबत नेटकऱ्यांमध्ये गॉसिप सुरु असताना नुकताच एक व्हिडीओ समोर आला आहे आणि यामध्ये तो अभिनेता सिद्धांत चतुर्वेदी असल्याचे समोर आले आहे.
गेल्या काही दिवसांपासून नव्या आणि सिद्धांत चतुर्वेदी यांच्या डेटिंगच्या विविध माध्यमातून बातम्या येत आहेत. अशातच दोघांचा एक व्हिडीओ आता समोर आला आहे. जो पाहून सोशल मीडियावर नेटकऱ्यांमध्ये गॉसिपिंग सुरु झालं आहे. नव्या आणि सिद्धांत यांच्या डेटिंगबाबत चर्चा सुरु असतानाच ते बांद्रा येथील एका कॅफेच्या बाहेर एकत्र दिसले होते.
यावेळी नव्याने तिचा चेहरा लपवला होता. शिवाय एका पार्टीतही ते एकत्र दिसले होते. इतकंच नाही तर नव्याची आई श्वेता बच्चन नंदा यांच्या वाढदिवसाच्या पार्टीतही सिद्धांत दिसला होता आणि म्हणूनच्या त्यांच्यामध्ये काहीतरी आहे अशी चर्चा रंगली होती.
दरम्यान नव्या आणि सिद्धांतदोघांनीही आपल्या रिलेशनशीपबाबत कोणतेही अधिकृत विधान केलेले नाही. पण आता मात्र दोघेही गोव्यात एकत्र सुट्ट्या एन्जॉय करताना दिसत आहेत. यावेळी ते दोघेही एकत्र परतताना पॅपराझींनी त्यांना विमानतळावर स्पॉट केले. येथील त्यांचे फोटो तसेच व्हिडिओ सोशल मीडियावर व्हायरल झाले आहेत. नव्या आणि सिद्धांतने मॅचिंग व्हाईट रंगाचं टी- शर्ट परिधान केलं होत. दोघेही एकत्र क्युट दिसत आहेत, असे नेटकऱ्यांचे म्हणणे आहे.
Discussion about this post