हॅलो बॉलिवूड ऑनलाईन। अभिनेता आणि दिग्दर्शक प्रसाद ओकच्या ‘चंद्रमुखी’ या चित्रपटाची अजूनही चांगलीच चर्चा आहे. या चित्रपटातून खरोखरंच चंद्र अवतरला का काय..? असे वाटेल अशी सुंदर नृत्यांगना आणि प्रसिद्ध अभिनेत्री अमृता खानविलकर दिसली होती. अमृता एक उत्तम अभिनेत्री आहेच. शिवाय ती अतिशय सुंदर आणि लक्षवेधी नृत्यांगना आहे हे आपण सारेच जाणतो. यामुळे वाजले कि बारा गाणे असो किंवा चंद्रमुखी चित्रपटातील विविध लावण्या. सगळ्यामध्ये अमृता खरी उतरली. यानंतर आता लोकप्रिय डान्सिंग रिऍलिटी शो ‘झलक दिखला जा’मध्ये ती दिसणार आहे. नुकताच तिचा सेटवरील एक व्हिडीओ व्हायरल झाला आहे.
सोनी टीव्हीच्या लोकप्रिय डान्सिंग रिऍलिटी शो मध्ये अर्थात झलक दिखला जा शोच्या १०व्या सिजनमध्ये मराठमोळी अमृता दिसणार आहे. याआधी तिचा सेटवरील हा व्हायरल व्हिडीओ चर्चेत आला आहे. सध्या राज्यात ठिकठिकाणी पाऊस बरसतो आहे. याचा अनेकदा शूटिंग सेटला फटका बसतो. तर झलकचा सेट असलेल्या भागातही बराच पाऊस होऊन गेल्यामुळे चांगलाच चिखल झाला आहे. अशा चिखलात चालणे कठीण होऊन बसते आणि असाच झालंय अमृतासोबत. या व्हायरल व्हिडिओत अमृता कशीबशी आपला तोल सावरत पुढे चालत आहे.
या व्हायरल व्हिडिओत दिसत आहे कि, सगळीकडे चिखल झाला आहे आणि अशा चिखलातून अमृता हाय हिल्स घालून सावकाश अंदाज घेत दबकत चालत आहे. अशावेळी पँपराझींना ती असंही म्हणतेय कि, झलक दिखला जा च्या सेटवर खतरों के खिलाडीचा अनुभव येतोय. या व्हिडिओत अमृता अतिशय ग्लॅमरस लूकमध्ये दिसते आहे. तिच्या या व्हिडिओवर अनेकांनी कमेंट्स केल्या आहेत. तिचे चाहते तिला झलक दिखला जा’ या शो मध्ये पाहण्यास अत्यंत उत्सुक आहेत असे ते म्हणत आहेत.
Discussion about this post