हॅलो बॉलिवूड ऑनलाईन। बिग बॉस मराठीचा चौथा सीजन आता अंतिम टप्प्यात असून. जानेवारीच्या पहिल्या आठवड्यात या सिजनचा विजेता कोण हे आपल्याला समजणार आहे. या सिझनने प्रेक्षकांचे भरभरुन मनोरंजन केले. या शोमध्ये सहभागी झालेल्या स्पर्धकांपैकी काही स्पर्धकांनी शो जिंकण्यासाठी पहिल्या दिवसापासून जीव लावला आहे. याचेच फळ म्हणून का काय स्पर्धक अपूर्वा नेमळेकरने बिग बॉस मराठी सीजन ४ च्या शेवटच्या आठवड्यात आपली जागा कायम ठेवत तिकीट टू फिनाले जिंकले आहे आणि आणखी एक पाऊल ट्रॉफीकडे उचलले आहे.
बिग बॉसचा हा रंजक खेळ आता ८८व्या दिवसावर आला असून, येत्या ८ जानेवारीला या सिजनचा महाअंतिम सोहळा रंगणार आहे. अंतिम फेरीत जाण्यासाठी घरात उरलेले स्पर्धक अपूर्वा नेमळेकर, अमृता धोंगडे, राखी सावंत, प्रसाद जवादे, किरण माने, अक्षय केळकर, आरोह वेलणकर एकमेकांशी भिडताना दिसणार आहे. दरम्यान ‘बिग बॉस मराठी सीझन ४’चा पहिला फायनॅलिस्ट मिळवण्यासाठी बिग बॉसच्या घरात धान्याचा टास्क रंगला. या टास्कमध्ये सगळ्यांनीच जीवाचं रान केलं. पण बाजी मारली ती अपूर्वाने. अपूर्वाने तिकीट टू फिनाले जिंकून ‘बिग बॉस मराठी ४’च्या महाअंतिम सोहळ्यात जागा मिळवली आहे.
अपूर्वाच्या अधिकृत सोशल मीडिया हँडलवर हि आनंदाची बाब तिच्या चाहत्यांसह शेअर करण्यात आली आहे. यात लिहिलं आहे कि, ‘पहिल्या दिवसापासून बिग बॉस ते मराठी सीजन 4 च्या पहिल्या Finalist पर्यंत पोहचण्याचा प्रवास अगदीच स्वप्नवत आहे असं वाटतंय तुमच्या सगळ्यांचा प्रेमामुळे हे सगळं शक्य झालं बस अता फक्त ट्रॉफी जिंकून यायची हीच इच्छा ! Ticket To Finale’. याशिवाय तिने टास्कची एक झलक शेअर केली आहे. सोबत कॅप्शनमध्ये लिहिले आहे कि, ‘तिकीट टू फिनालेचा अफलातून टास्क! जितके धान्य खाली पडेल तितके अंतिम टप्प्यात जाण्याचे तिकीट मिळणे मुश्किल! आपल्या जिद्दी अपुर्वाचा खेळ चांगलाच रंगात आला आणि आपल्या अपूर्वाला “तिकीट टू फिनाले” सुद्धा मिळालं ! रोमहर्षक टास्कची एक झलक’
Discussion about this post