हॅलो बॉलिवूड ऑनलाईन। कलर्स टीव्हीवरील ‘खतरों के खिलाडी’ हा स्टंट बेस्ड रिऍलिटी शो अत्यंत लोकप्रिय आहे. सध्या या शोचा १३ वा सीजन प्रचंड चर्चेत असून त्याचे शूट आफ्रिकेत केपटाऊन येथे सुरु आहे. गेल्या काही दिवसांपासून या शोच्या सेटवर विविध स्टंटदरम्यान शोमध्ये सहभागी झालेले काही स्पर्धक जखमी झाल्याचे समोर आले आहे. यातील एका स्पर्धकाला तर गंभीर दुखापतीमुळे शो सोडून घरी परतावे लागले आहे. अशातच आता शोमध्ये सहभागी झालेली बिग बॉस सीजन १६ फेम अभिनेत्री अर्चना गौतमदेखील जखमी झाल्याचे समोर आले आहे, इंस्टावर स्टोरी शेअर करत तिने याबाबत माहिती दिली आहे.
अभिनेत्री अर्चना गौतम ही तिच्या बिंधास्त स्वभावासाठी ओळखली जाते. बिग बॉसनंतर ती आता ‘खतरों के खिलाडी १३’मध्ये दिसणार म्हणून तिचे चाहते उत्सुकआहेत. अशातच एका स्टंट दरम्यान अर्चनाचा अपघात झाल्याने तिला गंभीर स्वरूपाच्या जखमा झाल्याचे समोर आले आहे. उपचारांसाठी तिला रुग्णालयातही दाखल करण्यात आले आहे. अर्चनाला दुखापत झाल्याचे काही फोटो सोशल मीडियावर व्हायरल झाले आहे. अर्चनाला दुखापत झाल्याचे समजल्यापासून तिचे चाहते तिच्या प्रकृतीबाबत चिंता व्यक्त करत आहेत.
या फोटोमध्ये आपण पाहू शकता कि अर्चनाच्या चेहऱ्याला दुखापत झाली आहे. एका टास्कदरम्यान अर्चनाच्या चेहऱ्याला झालेल्या दुखापतीमुळे तिच्या चेहऱ्याला काही टाकेही घालण्यात आले आहे.
अर्चनाने तिच्या अधिकृत सोशल मीडिया हॅण्डल इंस्टाग्रामवर या दुखापतींचे फोटो शेअर केल्यानंतर नेटकरी तिला काळजी घेण्याचा सल्ला देत आहेत. या सगळ्यात अर्चनाने हॉस्पिटलमधून एक व्हिडिओ देखील शेयर केला आहे. ज्यामध्ये तिने तिचे हेल्थ अपडेट दिले आहेत. यावरही तिचे चाहते तिला शोमधून ब्रेक घेऊन आराम कर असे सांगताना दिसत आहेत.
Discussion about this post