हॅलो बॉलिवूड ऑनलाईन| बॉलिवूड अभिनेता अर्जुन कपूर आणि अभिनेत्री मलायका अरोरा हे वयाचं बंधन तोडून प्रेम करणारं कपलं नेहमीच काही ना काही कारणामुळे चर्चेत असतात. कधी हॉटेलमध्ये स्पॉट होतात तर कधी रोमँटिक अंदाजात डेटवर जातात. पण चर्चेत येतातच. अलीकडेच प्रसिद्ध फॅशन डिझायनर कुणाल रावल आणि अर्पिता मेहता यांच्या वेडिंग पार्टीमध्ये अर्जुन मलायकाने आवर्जून हजेरी लावली होती. यावेळी ते दोघं रोमँटिक अंदाजात डान्स करताना दिसले आणि ते ही ‘छैय्या छैय्या’ गाण्यावर. हा व्हिडिओ सध्या सोशल मीडियावर प्रचंड व्हायरल होतो आहे आणि चांगलाच चर्चेत आला आहे.
कुणाल आणि अर्पिता यांनी २८ ऑगस्ट २०२२ रोजी कुटुंबीय आणि जवळच्या मित्रमैत्रिणींच्या उपस्थितीत लग्न केले. त्याआधी लग्नापूर्वी कुणालने बॉलिवूड इंडस्ट्रीतल्या मित्रमैत्रिणींसाठी प्री-वेडिंग पार्टीचे आयोजन केले होते. या पार्टीमध्ये अर्जुन कपूर, मलायकार अरोरा, जॅकी भगनानी, रकुल प्रीत सिंह, जान्हवी कपूर, वरुण धवन, नताशा दलाल यांसारखे सेलिब्रिटी हजर होते. याच पार्टीतला अर्जुन मलायकाचा हा व्हिडिओ सध्या सोशल मीडियावर या जोरदार व्हायरल होत आहे. या व्हिडीओमध्ये मलायका आणि अर्जुन ‘छैय्या-छैय्या’ गाण्यावर बिंधास्त डान्स करताना दिसत आहेत. यातील एका व्हिडीओमध्ये अर्जुनने मलायकाच्या माथ्यावर किससुद्धा केलं. या पार्टीसाठी दोघांनी थीमनुसार ‘व्हाईट अँड ब्लॅक’ कपडे परिधान केले होते. मलायकाने पांढऱ्या रंगाचा लेहंगा तर अर्जुनने काळ्या रंगाची शेरवानी वेअर केली होती.
View this post on Instagram
अर्जुन मलायकाची डान्स फ्लोअरवरील केमिस्ट्री पाहून सगळेच थक्क झाले. अर्जुन मलायकाच्या या व्हिडीओवर नेटकऱ्यांनी ट्रोलिंगपेक्षा जास्त लाईक्स आणि कमेंट्सचा वर्षाव केला आहे. कुणी त्यांच्या आऊटफीट वर फिदा झालंय तर कुणी त्यांच्या डान्स स्टाईल वर. अनेकांनी ‘क्यूट कपल आहे ‘ म्हणत त्यांची तारीफ केली आहे. तर काहींनी ‘दोघांची केमिस्ट्री खूपच भारी आहे’ असं म्हटलंय. या पार्टीमधील अनेक व्हिडिओ व्हायरल झाले आहेत. मलायका अर्जुन सह वरुण धवनचाही एक व्हिडीओ व्हायरल होतोय. ज्यामध्ये तो रॅपर बादशाहसोबत स्टेजवर ‘गर्मी’ गाण्यावर परफॉर्म करतोय.
Discussion about this post