हॅलो बॉलिवूड ऑनलाईन। सध्या बिग बॉसचा १६ वा सीजन एकदम जोरदार चालू आहे. प्रत्येक स्पर्धक आपापल्या परीने खेळ खेळतो आहे. शो जिंकण्यासाठी आता सगळेच सज्ज झाले आहेत. यामुळे घरात रोज काही ना काही राडे होतच असतात. कधी प्रेम कधी भांडण तर कधी हमरी तुमरी. अगदी मारामारीपर्यंत सुद्धा हे स्पर्धक जाताना दिसत आहेत. असे मॅटर झाले कि विकेंडचा वार पहायला एक वेगळीच मजा येते. कारण शो होस्ट सलमान खान या स्पर्धकांचा असा काही क्लास लावतो कि बस्स.. मजा येते. पण यावेळी विकेंडचा वार सलमान नाही तर एक चित्रपट निर्माता होस्ट करणार आहे अशी चर्चा आहे.
बिग बॉस सुरु झाला कि त्याच्या एपिसोडपेक्षा जास्त प्रेक्षकांना विकेंडचा वार कधी येणार याची उत्सुकता अधिक असते. कारण या दिवशी सलमान एकेकाची कानउघाडणी करताना दिसतो. ज्यामुळे प्रेक्षकांचाही राग आपोआप निघतो. पण यावेळी विकेंडचा वार सलमान खानशिवाय होणार आहे असे बोलले जात आहे. त्यामुळे प्रेक्षक नाराज आहेत. शिवाय या विकेंडच्या वारला चित्रपट निर्माता करण जोहर होस्ट करणार आहे अशी चर्चा आहे. खरंतर या चर्चेमुळे घाबरायची गरज नाही. कारण सलमान बिझी शेड्युलमुळे काहीच तास शूट करू शकला नाही. पण म्हणूनच हा विकेंडचा वार ट्रिपल वार करण्यात आला आहे.
बिग बॉस १६ च्या निर्मात्यांनी विकेंडचा वार खास बनवण्यासाठी चित्रपट निर्माता करण जोहर ज्याने बिग बॉस OTT होस्ट केला होता त्याला आमंत्रित केले आहे. शिवाय वरून धवन, क्रिती सॅनॉन हेदेखील येणार आहेत. माहितीनुसार, करण फक्त याच विकेंडला होस्ट करणार आहे. तर दिवाळी स्पेशल करण्यासाठी सोमवारी सलमान खान स्पर्धकांच्या आणि प्रेक्षकांच्या भेटीला येणार आहे. त्यामुळे हा विकेंडचा वार दिवाली स्पेशल वार आहे. आता फटाके फुटणार कि मिठाई वाटणार हे तर विकेंडलाच कळेल.
Discussion about this post