हॅलो बॉलिवूड ऑनलाईन। टीव्ही एंटरटेनमेंट विश्वातील अत्यंत लोकप्रिय आणि वादग्रस्त शो बिग बॉसचा १६ वा सीजन भारीच दाणादाण उडवताना दिसतो आहे. वेगवेगळ्या भागातून वेगवेगळी मानसिकता घेऊन आलेले हे १६ स्पर्धक आता एकमेकांचे संस्कार काढण्यावर उतरले आहेत. कोण कुणाला लायकीचा रहा सांगताय तर कुणी कुणाची पातळी ठरवत आहे. सध्या या घरात एक मोठा गदारोळ सुरु आहे. अनेक गावठी, बावळट, अशा शब्दांवरून भांडण तुम्ही पाहिले असेल. पण यावेळी तर स्टॅण्डर्डलेस शब्दावर भांडण सुरु आहेत.
सध्या सोशल मीडियावर एक प्रोमो व्हिडीओ व्हायरल झाला आहे. ज्यामध्ये घरातले सगळेच एकत्र भांडताना दिसत आहेत. ज्याची सोशल मीडियावर चर्चा होत आहे. या भांडणामुळे चाहत्यांचे लक्ष वेधले गेले आहे. दरवेळी एका ना एका शब्दावरून बिग बॉस च्या घरात राडे होतातच. यावेळी पण स्पर्धकांना असा एक शब्द सापडलाच ज्यामुळे घरात वादावादी झाली. या प्रोमोमध्ये स्टॅण्डर्डलेस शब्दांचा प्रयोग करण्यात आला आहे, असे लिहिण्यात आले आहे. त्यावर नेटकऱ्यांचे लक्ष वेधले गेले. हा प्रोमो पाहून वाटत आहे की, शोमध्ये सहभागी झालेल्या श्रीजिताने हरियाणाची शकीरा गोरी नागोरीला गावठी शब्दांने संबोधले आहे. त्यामुळे नेटकरी तिच्यावर चिडले आहेत.
इतकेच नव्हे तर इतका स्टॅण्डर्ड आणता कुठून असा सवाल देखील नेटकऱ्यांनी तिला केला आहे. बिग बॉसच्या घरात या शब्दावरून चांगलंच वातावरण तापलं आहे. दरम्यान काहींनी श्रीजिताची बाजू घेतली आहे. तर अनेकांनी तिला दोष दिला आहे. श्रीजिता ज्याप्रकारे गोरीला बोलली ते अतिशय चूकीचे असल्याचेही अनेकांचे म्हणणे आहे. पण या शब्दामुळे पहिल्यांदाच हरियाणाची शकिरा गोरी नागोरीचा आवाज कडाडला. शिवाय तिच्या साथीने एम सी स्टॅन देखील सगळ्यांचा क्लास लावताना दिसला.
Discussion about this post