हॅलो बॉलिवूड ऑनलाईन। टेलिव्हिजन विश्वातील अत्यंत लोकप्रिय ॲक्शन रिऍलिटी शो म्हणजेच ‘खतरों के खिलाडी’. गेली अनेक वर्ष हा कार्यक्रम विविध स्टंट्सच्या माध्यमातून प्रेक्षकांचे लक्ष वेधून घेत आहे. या कार्यक्रमाच्या प्रत्येक सीजन वर प्रेक्षकांनी भरभरून प्रेम केले आहे. यानंतर आता लवकरच ‘खतरो के खिलाडी’चा सिझन १३ सुरू होणार असल्याचे समजत आहे. दरम्यान ‘बिग बॉस सीजन १६’मधील अनेक स्पर्धक या सिजनमध्ये दिसणार असल्याचं बोललं जात होतं. यामध्ये सीजनचा विजेता एमसी स्टॅनलाही ऑफर देण्यात आली होती. मात्र त्याने हा शो करण्यास नकार दिल्याचे समोर आले आहे.
ऍक्शन डिरेक्टर रोहित शेट्टीचा ‘खतरो के खिलाडी’ हा कार्यक्रम मनोरंजन विश्वातील ॲक्शन रिऍलिटी शो आहे. ज्याच्या प्रसिद्धीला अद्याप तरी तोड आलेला नाही. आतापर्यंत अनेक सेलिब्रिटींनी या शोमध्ये सहभागी होऊन विविध स्टंट्स करत प्रेक्षकांचे लक्ष वेधून घेतले आहे. ‘खतरो के खिलाडी’ हा एडवेंचर शो असला तरीही यातील चित्त थरारक अनुभव सेलिब्रटींप्रमाणे प्रेक्षक देखील घर बसल्या अनुभवत असतात. असे असूनही एमसी स्टॅनने हि संधी सोडण्याचे कारण म्हणजे, आगामी काळात तो त्याच्या नव्या गाण्यांवर काम करू इच्छितोय. त्यामुळे त्याला आता रिऍलिटी शोसाठी वेळ द्यायचा नाही असे समजत आहे.
मीडिया रिपोर्टनुसार, एमसी स्टॅनने रोहित शेट्टीचा ‘खतरों के खिलाडी’ नाकारण्यामागे मुख्य कारण असे की, सध्या त्याला त्याच्या नव्या गाण्यांवर काम करायचं आहे. त्यामुळे कोणत्याही शोमध्ये सहभागी होऊन त्याला वेळ खर्ची करायचा नाही. ‘खतरों के खिलाडी ‘चे निर्माते या कार्यक्रमात सहभागी होण्यासाठी एमसी स्टॅनला मोठ्या प्रमाणावर मानधन देण्यास तयार होते. मात्र असे असूनही एमसी स्टॅनने हा शो नाकारला आहे. ‘खतरों के खिलाडी सीजन १३’ हा शो येत्या १७ जुलै २०२३ पासून प्रसारित होईल असे बोलले जात आहे.
Discussion about this post