नवी दिल्ली : लोकप्रिय रिअॅलिटी शो बिग बॉसच्या आगामी 16 व्या सीझनचा (Bigg Boss 16 Promo) मजेदार प्रोमो रिलीज झाला आहे. यामध्ये बिग बॉसचा होस्ट सलमान खान मोगॅम्बो लूकमध्ये दिसत आहे. सलमानने यंदा 1987 मध्ये आलेल्या मिस्टर इंडिया चित्रपटातील लोकप्रिय खलनायकाचा लूक स्वीकारला आहे. प्रमो पाहून अनेकांना अमरीश पुरीची आठवण आल्याशिवाय राहत नाहीये. सलमान खानने सोनेरी रंगाचे मोगॅम्बोसारखे जॅकेट घातले आहे. तसेच सलमान क्रिस्टल गोळे जोडलेल्या पांढऱ्या सिंहासनावर बसला आहे. प्रोमोच्या कॅप्शनमध्ये लिहिले आहे की, प्रत्येकाचा गेम फेल होईल, जेव्हा बिग बॉस स्वतः हा गेम खेळण्यासाठी येईल.
१९८७ साली सुपरहिट ठरलेल्या मिस्टर इंडिया या चित्रपटात अमरीश पुरी मोगॅम्बोच्या भूमिकेत दिसले होते. त्यावेळी पुरी यांचा लूक आणि संवाद प्रेक्षकांना खूप आवडले होते. ‘मोगॅम्बो खुश हुआ’ हा डायलॉग तर आजही सर्वांमध्ये लोकप्रिय आहे. रविवारी रिलीज झालेल्या प्रोमोमध्ये सलमान म्हणाला, “मोगॅम्बो आता कधीही आनंदी होणार नाही, कारण आता सर्वांनाच बिग बॉसची भीती वाटेल. बिग बॉस 16 हा गेम बदलेल कारण बिग बॉस आता स्वतः खेळणार आहे. (Bigg Boss 16 Promo)
बिग बॉस 16 च्या प्रोमोमध्ये सलमान बॉलिवूडच्या लोकप्रिय खलनायकाच्या लूकमध्ये दिसत आहे. शनिवारी रिलीज झालेल्या प्रोमोमध्ये, सलमान खलनायक गब्बर सिंगच्या भूमिकेत दिसला आणि म्हणाला, “50-50 कोस दूर, रात्री मूल रडते तेव्हा आई म्हणेल, बेटा सो जा वर्णा बिग बॉस आजयेगा. (Bigg Boss 16 Promo)
बिग बॉस 16 चा प्रीमियर 1 ऑक्टोबर रोजी रात्री 9:30 वाजता होणार आहे. या सीझनसाठी स्पर्धकांची अद्याप घोषणा करण्यात आलेली नाही, परंतु शिविन नारंग, विवियन डिसेना, मुनव्वर फारुकी आणि अर्जुन बिजलानी ही काही लोकप्रिय नावे आहेत जी शोमध्ये सामील होणार आहेत.
Discussion about this post