हॅलो बॉलिवूड ऑनलाईन। टीव्ही इंडस्ट्रीतील अत्यंत लोकप्रिय शो म्हणून बिग बॉस ओळखला जातो. या शोमध्ये विविध श्रेणीतील छोटे मोठे कलाकार एका घरात १०० दिवसांसाठी कैद होतात. दरम्यान त्यांच्यात खूप भांडण होतात. तर कुठे प्रेमाचे वारे वाहताना दिसतात. कुठे ईर्षा असते तर कुठे जिंकण्याची जिद्द. असा हा विविध भावभावनांनी तयार केलेला शो चांगलाच लोकप्रिय आहे. सध्या मराठी आणि हिंदी दोन्ही भाषेतील बिग बॉसची आगामी पर्व सुरु होण्याच्या तयारीत आहेत. तर आता हिंदी बिग बॉसच्या १६व्या सिजनविषयी मोठी अपडेट समोर आली आहे.
मिळलेल्या माहितीनुसार, ‘बिग बॉस 16’च्या प्रसारणासाठी निर्मात्यांची पूर्ण तयारी झालेली आहे. बॉलिवूड अभिनेता सलमान खान यावेळीदेखील हा शो होस्ट करणार आहे आणि हा शो कधी सुरु होणार अशी उत्सुकता सगळीकडे आहे. यातच अपडेटनुसार, यंदाचा ‘बिग बाॅस सीझन 16’ची तारीख जाहिर झाली आहे. मीडिया रिपोर्ट्सनुसार, ‘बिग बॉस 16’ हे पर्व येत्या ८ ऑक्टोबर २०२२ पासून कलर्स हिंदीवर सुरू होणार आहे. अद्याप याबाबत कोणतीही अधिकृत घोषणा करण्यात आलेली नाही. मात्र खात्रीच्या सूत्रांनी पुरवलेल्या माहितीनुसार ऑक्टोबरच्या पहिल्याच आठवड्यात हा शो सुरु होणार आहे.
याशिवाय आणखी एक मोठी माहिती सूत्रांकडून दिली जात आहे. दरवेळी बिग बॉसच्या विविध सीझनमध्ये वेगवेगळ्या थीम साकारल्या जातात. जसे कि, गेल्यावेळी बिग बॉसच्या 15व्या सीझनसाठी निर्मात्यांनी जंगल थीम साकारली होती. तसेच यंदा बिग बॉसच्या 16व्या सिझनसाठी Turqouise थीम साकारली जाणार आहे. याशिवाय ‘बिग बॉस 16’च्या ग्रँड प्रीमियरसाठी शो होस्ट सलमान खानसोबत शहनाज गिल देखील स्टेजवर दिसणार आहे. मात्र, यासंदर्भातदेखील अद्याप निर्मात्यांकडून कोणत्याही प्रकारचे वक्तव्य केलेले नाही.
Discussion about this post