हॅलो बॉलिवूड ऑनलाईन। आजपासून कलर्स टीव्हीवर बहुचर्चित आणि बहुप्रतीक्षित रिऍलिटी शो बिग बॉस सुरु होत आहे. दरवर्षीप्रमाणे यंदाही या सिजनचा होस्ट बॉलिवूड अभिनेता सलमान खान असणार आहे. बिग बॉसचा शो सर्वाधिक लोकप्रिय आणि मोठ्या संख्येने पाहिला जाणारा शो आहे. त्यामुळे बिग बॉस सुरु होणार म्हटलं कि सगळेच चातकासारखी वाट बघत असतात. बर्‍याच दिवसांपासून शोसंबंधित विविध अपडेट येत आहेत. शोमध्ये कोण सहभागी होणार यापासून ते किती वाजता सो सुरु होणार इथपर्यंत सगळी माहिती प्रेक्षकांकडे आहे. पण आमच्याकडे आणखी एक अशी बातमी आहे जी ऐकून तुम्ही खुश व्हाल.
हि बातमी अशी आहे कि, शोबाबत विविध अपडेट्स, कोणता स्पर्धक काय करतोय..? घरात काय चाललंय..? कुठे काय शिजतंय..? हे सगळं पाहण्यासाठी किंवा जाणून घेण्यासाठी टीव्हीवरच हा शो पाहण्याची काहीच गरज नाही. कारण टीव्हीवर कलर्स वाहिनीवर प्रत्येक वेळी बिग बॉस प्रसारित केला जातो. पण एखादा भाग बघायचा राहिलाच तर..? रिपीट कधी बघणार..? म्हणूनच आता फिकीर नॉट. कलर्सवर आज १ ऑक्टोबर २०२२ रोजी रात्री ९.३० वाजता या प्रीमिअर प्रसारित होईल. तो तुम्ही पाहू शकला नाहीत तर थेट ओटीटी प्लॅटफॉर्म Voot ऍप डाउनलोड करा आणि पूर्ण भाग कोणत्याही अडथळ्याशिवाय पहा.
माहितीनुसार, बिग बॉसचा प्रीमियर भाग शनिवार आणि रविवार असा दोन दिवस होणार आहे. यामध्ये स्पर्धकाची एंट्री दाखवली जाईल. यावेळी बिग बॉसमध्ये ‘वीकेंड का वार’ शुक्रवार आणि शनिवारी असणार आहे. आत्तापर्यंत तो शनिवार- रविवार असायचा. पण यावेळी शोमध्ये काही बदल करण्यात आले आहेत. यावेळी बिग बॉस हिंदीमध्ये अब्दु रोजिक, सौंदर्या शर्मा, निम्रत कौर, एमसी स्टॅन यांच्याशिवाय सुंबूल तौकीर, गौतम विग, मदिराक्षी मुंडे, शालीन भानोत, टीना दत्ता हे स्पर्धक दिसणार आहेत.
Discussion about this post