हॅलो बॉलिवूड ऑनलाईन। बिग बॉस मराठीचे चौथे पर्व अत्यंत भन्नाट सुरु आहे. आतापर्यंत या शोने साठ दिवसांचा टप्पा पार करत जवळपास दहा आठवडे पूर्ण केले आहेत. या घरातील प्रत्येक स्पर्धक आता खेळाकडे जिंकण्याच्या दृष्टिकोनातून पाहत आहेत. आता या पर्वाला पहिले टॉप १० स्पर्धक मिळाले आहेत. त्यामुळे खेळात आता आणखी चुरशीची लढत दिसणार आहे. पण हि चुरस आणि जिंकण्याची जिद्द स्पर्धकांना कोणत्या टोकापर्यंत काय करायला लावेल याची काही शाश्वती नाही. याचा प्रत्यय नुकताच अक्षय आणि प्रसादच्या हाणामारीतून आला आहे.
नुकताच बिग बॉस मराठीच्या घरात मोठा राडा झाला आहे. यामध्ये अक्षय आणि प्रसाद यांच्यामध्ये फक्त हाणामारी तेव्हढी व्हायची बाकी राहिली. बिग बॉस मराठीच्या घरात कधी शांत तर कधी गोंधळलेला प्रसाद या भांडणात प्रचंड संतापलेला दिसून आला. घराचा कॅप्टन अक्षय आणि प्रसाद यांच्यामध्ये असा काही राडा झाला कि दोघेही आपापला संयम हरवून बसले. नुकत्याच समोर आलेल्या प्रोमोमध्ये अक्षय आणि प्रसाद दोघेही एकमेकांना मारायला एकमेकांच्या अंगावर धावून गेल्याचे दिसून आले आहे. दरम्यान घरातील सदस्य त्यांना थांबण्याचा प्रयत्नदेखील करताना दिसत आहेत. पण त्यांचा पारा पाहून असं वाटतंय कि जणू त्यांना एकमेकांची डोकी फोडायचीचं आहेत.
या प्रोमोमध्ये दिसतंय कि प्रसाद अक्षयला म्हणातो, ‘स्वतः जेवलायस ना, आमच्या भुकेचे काय..?’ यावर अक्षय म्हणतो, कॅप्टन काय जेवायला भरवेल का आता..? तर अक्षय म्हणतो कि, घेऊन जा ह्याला. ज्यावर प्रसाद म्हणतो, कोणाच्या बापाचा नोकर आहे का तो..? हे ऐकताच अक्षयला त्याचा राग आवरता आला नाही आणि तो म्हणाला कि, बापावर जाऊ नकोस. तर प्रसाद म्हणाला, हात उचललास तर हात उचलण्याच्या लायकीचा नाही रहणार तू, एक सणसणीत मारेन तुला अशी..’ आता हे भांडण अजून किती वाढेलं आणि पुढे काय होईल..? हे जाणून घेण्यासाठी आजचा एपिसोड पहावा लागेल.
Discussion about this post