बॉलिवूडच्या ड्रीमगर्लने केला मेट्रो अन रिक्षातून प्रवास; अभिनेत्रीला पाहून पब्लिक खुळावलं ना!!

हॅलो बॉलिवूड ऑनलाईन। बॉलिवूडचे सेलिब्रिटी आणि त्यांचे नखरे सोशल मीडियावर नेहमीच चर्चेत असतात. त्यामुळे आपल्या आलिशान गाड्यांशिवाय हे सेलिब्रिटी जर प्रवास करताना दिसले तर साहजिकच चाहत्यांना धक्का बसतो. असाच धक्का बॉलिवूडची ड्रिमगर्ल अर्थात अभिनेत्री हेमा मालिनी यांच्या चाहत्यांना लागला आहे. नुकत्याच हेमा मालिनी यांनी सार्वजनिक वाहतुकीचा वापर केल्याचे दिसून आले आहे. काल मंगळवारी मुंबईच्या मेट्रोमध्ये आणि रिक्षामध्ये हेमा मालिनी यांनी प्रवास करीत चाहत्यांना थक्क करून टाकले आहे. त्यांचा हा व्हिडीओ सोशल मीडियावर व्हायरल होत आहे.

I must share with all of you my unique, wonderful experience.Drove 2 hours to reach Dahisar by car, so tiring! In the eve decided I would try the metro, and OMG! What a joy it was!True, we went thro tough times during the constr, but worth it! Clean, fast & ws in Juhu in 1/2 hr💕 pic.twitter.com/2OZPMtORCu

— Hema Malini (@dreamgirlhema) April 11, 2023

ज्येष्ठ अभिनेत्री हेमा मालिनी यांनी मुंबईच्या मेट्रोमध्ये प्रवास केला आणि या प्रवासादरम्यानचा व्हिडीओ त्यांनी स्वतः सोशल मीडियावर शेअर केला आहे. अधिकृत सोशल मीडिया हॅण्डल ट्विटरवर त्यांनी ट्विट करत लिहिले आहे की, ‘माझा अनोखा, अद्भुत अनुभव मी तुम्हा सर्वांसोबत शेअर केलाच पाहिजे. कारने दहिसरला पोहोचायला २ तास लागतात, खूप थकवायेतो! म्हणून मी मेट्रोने प्रवास करायचे ठरवले आणि OMG! किती आनंद झाला! अगदी 1/2 तासांत मी जुहूमध्ये पोहोचले. अतिशय जलद!!’ या ट्विटमध्ये हेमा मालिनी यांनी मेट्रोतील सफरीचा आनंद शेअर करत काही फोटो देखील शेअर केले आहेत.

After my metro experience, decided to go by auto from DN Nagar to Juhu & that too was fulfilled. Landed by auto at my house & the dazed security could not believe their eyes! All in all, a wonderful, pleasurable experience for me!
In the metro with the public👇 pic.twitter.com/Whr7mOIRM8

— Hema Malini (@dreamgirlhema) April 11, 2023

यासोबत आणखी एका ट्विटमध्ये त्यांनी या प्रवासातील व्हिडीओ शेअर केला आहे. ज्यामध्ये हेमा मालिनी याना आपल्यासोबत प्रवास करताना पाहून प्रवासी मंडळी फारच आनंदी झाल्या आहेत. यामध्ये हेमा मालिनी त्यांच्या चाहत्यांसह सेल्फी फोटो घेताना दिसत आहेत. या ट्विटसोबत त्यांनी लिहिले आहे कि, ‘मेट्रो राईडनंतर मी उरलेला प्रवास ऑटोमध्ये पूर्ण केला.

This is the video I shot from inside the auto💕 Enjoyed myself thoroughly! pic.twitter.com/ZGWR52wAGQ

— Hema Malini (@dreamgirlhema) April 11, 2023

डीएन नगर ते जुहू अशी ऑटो राईड केली. जेव्हा मी घरी ऑटोमधून उतरले तेव्हा सुरक्षा रक्षकही आश्चर्यचकित झाले. हा व्हिडिओ मी ऑटोच्या आतून शूट केला आहे. मी स्वतः याचा खूप आनंद घेतला!’ हेमा मालिनी यांचे हे ट्विट्स सोशल मीडियावर व्हायरल होत आहेत.