करण जोहरची मोठी घोषणा ; ‘या’ दिवशी चित्रपटगृहामध्ये प्रदर्शित होणार ‘Liger’

हॅलो बॉलीवूड ऑनलाइन | प्रसिद्ध बॉलीवूड दिग्दर्शक करण जोहर यांनी काही दिवसांपूर्वी नव्या चित्रपटाची घोषणा केली होती. या चित्रपटात दाक्षिणात्य सुपरस्टार विजय देवरकोंडा आणि बॉलिवूड अभिनेत्री अनन्या पांडे मुख्य भूमिकेत दिसणार असून या चित्रपटाचे नाव ‘Liger: साला क्रॉसब्रीड’ असे आहे. आता या चित्रपटाची प्रदर्शनाची तारीख समोर आली आहे.

नुकताच करण जोहरने ट्विटरद्वारे ‘Liger: साला क्रॉसब्रीड’ या चित्रपटाच्या प्रदर्शनाची तारीख घोषीत केली आहे. ‘Liger हा चित्रपट चित्रपटगृहांमध्ये ९ सप्टेंबर रोजी प्रदर्शित होणार आहे. हा चित्रपट हिंदी, तेलुगू, तामिळ, कन्नड आणि मल्याळम या पाच भाषांमध्ये प्रदर्शित होणार आहे’ असे ट्विट केले आहे.

https://twitter.com/karanjohar/status/1359694753198088192?s=20

या चित्रपटात विजय देवरकोंडा पूर्णपणे वेगळ्या स्टाईलमध्ये दिसणार आहे. अलीकडेच विजय थायलंडला गेला होता तिथं त्यानं मार्शल आर्टचं प्रशिक्षण घेतलंय. या चित्रपटात विजय आणि अनन्याशिवाय रम्या कृष्णन, रोनित रॉय, विष्णू रेड्डी महत्त्वपूर्ण भूमिका साकारणार आहेत. या चित्रपटाचं दिग्दर्शन पुरी जगन्नाथ करत आहेत. करण जोहर आणि अपूर्व मेहता एकत्र निर्मिती करत आहेत.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला whatsapp करा आणि लिहा ‘Hello News’