हॅलो बॉलिवूड ऑनलाईन। बॉलिवूड अभिनेत्री दिशा पटानी सोशल मीडियावर चांगलीच सक्रिय असते. त्यामुळे चर्चेत रहायला तिला वेगळी अशी कारणं लागत नाहीत. पण गेल्या काही काळापासून दिशा आणि टायगर श्रॉफच्या अफेअर- ब्रेकअपच्या चर्चां नी सोशल मीडिया गाजवला होता. यानंतर आता दिशाचे लेहेंग्यातील रॉयल फोटोस सोशल मीडियावर व्हायरल झाले आहेत. हे फोटो पाहून नेटकऱ्यांनी दिशाच्या सौंदर्याची आणि तिच्या लेहेंग्यातील रॉयल अंदाजाची भरभरून तारीफ केली आहे.
अभिनेत्री दिशा पटानीने हे फोटो तिच्या सोशल मीडिया हँडलवर शेअर केले आहेत. तशी दिशा नेहमीच तिच्या हॉट लूकमुळे चर्चेत असते. पण तिचा हा लूक मात्र अतिशय खास आणि वेगळा आहे. हे फोटो सोशल मीडियावर मोठ्या प्रमाणात व्हायरल होत आहेत. या फोटोंमध्ये, दिशाने मॅचिंग लेहेंग्यासह सिझलिंग गोल्डन ब्रॅलेट परिधान केले आहे. यामध्ये तिची टोन्ड बॉडी ती फ्लॉंट करत आहे. तर दुसऱ्या फोटोमध्ये दिशाने गुलाबी रंगाचा ब्रॅलेट आणि मॅचिंग लाँग लेहेंगा परिधान केला आहे. यातही तिचं सौंदर्य खुलून आलं आहे.
याशिवाय आणखी एका फोटोत दिशाचा गोल्डन ब्रॅलेट आणि बेस्ट मॅचिंग लेहेंग्यातील लूक क्लोझ क्लीक केला आहे. हे फोटो दिशाने तिच्या अधिकृत सोशल मीडिया इंस्‍टाग्राम अकाउंटवर शेअर केले आहेत. या फोटोंवर अनेक चाहत्यांनी, नेटकऱ्यांनी आणि कलाकारांनी कमेंट्स केल्या आहेत. दिशाचा हा शाही अंदाज नेटकऱ्यांनी उचलून धरला आहे.
या फोटोंमुळे दिशाचं फॅन फॉलोईंग आणखी वाढणार असल्याचे दिसत आहे. वर्कफ्रंटबद्दल बोलायचं झालं तर, दिशा नुकतीच ‘एक व्हिलन रिटर्न्स’ या चित्रपटामध्ये दिसली आहे. या चित्रपटात ती एका दमदार भूमिकेत दिसली आहे.
Discussion about this post