हॅलो बॉलिवूड ऑनलाईन। पंजाबी गायिका आणि बिग बॉस १३ फेम अभिनेत्री शेहनाज गिल कौरचा चाहता वर्ग प्रचंड मोठा आहे. ती सोशल मीडियावर सक्रिय असल्यामुळे अनेकदा चाहत्यांच्या संपर्कात राहण्यासाठी विविध पोस्ट देखील शेअर करत असते. शेहनाजने सध्या सोशल मीडियावर एक व्हिडीओ शेअर केला आहे. जो तिने चाहत्यांना समर्पित केला आहे. या व्हिडिओत शेहनाजने कैसे हुआ..? हे गाणे गायले आहे. सिद्धार्थ शुक्लाच्या निधनानंतर शेहनाजचा बदललेला अंदाज आणि कॉन्फिडन्स हा नेहमीच चर्चेचा विषय राहिला आहे. पण जेव्हा ती गाते तेव्हा तिच्या स्वरांमध्ये सिद्धार्थची कमी जाणवते असं नेटकरी म्हणत आहेत.
गायिका आणि अभिनेत्री शेहनाज गिलने आपल्या अधिकृत सोशल मीडिया इंस्टाग्राम हॅण्डलवर हा व्हिडीओ शेअर केला आहे. या व्हिडिओत तिने व्हाईट प्रिंटेड टी- शर्ट आणि ब्लॅक शॉर्ट्स परिधान केले आहेत. अतिशय मधुर आणि पूर्ण भावनांनी ती हे गाणे गाताना दिसत आहे. या व्हिडिओसोबत तिने कॅप्शनमध्ये लिहिले आहे कि, ‘हे माझ्या चाहत्यांसाठी आहे.. धन्यवाद @vishalmishraofficial हे एक खास बनविण्यासाठी..’ शेहनाजच्या या व्हिडिओवर अनेकांनी इविध कमेंट करीत प्रतिक्रिया दिल्या आहेत.
एका नेटकऱ्याने कमेंट करीत म्हटले आहे कि, ‘वाईब है वाईब’. तर आणखी एकाने म्हटले आहे कि, ‘तुझा आवाज सुकून आहे’. मुख्य म्हणजे या गाण्यातून शेहनाज तिचा मित्र सिद्धार्थ शुक्ला याला अजूनही पूर्णपणे विसरलेली नाही असेच वाटत आहे. त्यामुळे एका नेटकऱ्याने कमेंट करीत म्हटले आहे कि, ‘ ती आतून रडत आहे… सनाचा चेहरा झूम करा’.
याशिवाय आणखी अनेक नेटकऱ्यांनी या व्हिडिओवर रडण्याचे इमोजी शेअर केले आहेत. सिद्धार्थच्या निधनावेळी शेहनाजची हालत पाहून सगळेच हादरले होते. पण त्यानंतर काही महिन्यातच तिने स्वतःला सावरले आहे आणि आता ती आपल्या करिअरवर पूर्णपणे फोकस करत आहे.
Discussion about this post