हॅलो बॉलिवूड ऑनलाईन। बिग बॉसच्या घरात राहत असताना त्याचे नियम, अटी यांशिवाय बिग बॉस देत असलेल्या फायद्यांविषयी पूर्ण माहिती ठेवणे अत्यंत गरजेचे असते. या घरातील सगळ्यात मोठा फायदा देते कॅप्टन्सी. बिग बॉसच्या घरात ज्याच्या नवे कॅप्टन्सी होते तो किमान आठवडाभरासाठी का होईना घराचा राजाचं होतो. एकतर एका आठवड्यात नॉमिनेशनपासून सुटका म्हणजे घराबाहेर जाण्याची भीती नाही. शिवाय घरातील सर्व मुख्य अधिकार कॅप्टनच्या हातात असतात आणि त्याला काहीच काम करावं लागत नाही. मग अशी कॅप्टन्सी कुणाला नको असेल…? यावेळी अमृता धोंगडे आणि विकास सावंत यांच्यामध्ये कॅप्टन्सी टास्क रंगणार आहे.
‘सोसल तितकंच सोशल’ या टास्कमध्ये उत्तम परफॉर्मन्स देऊन अमृता धोंगडे आणि विकास सावंत यांनी कॅप्टन्सीची उमेदवारी जिंकली आहे. यानंतर आता दोघांकडेही कॅप्टन होण्याची संधी आहे. या संधीच सोनं करण्यासाठी बिग बॉसने सदस्यांना एक कॅप्टन्सी टास्क दिला आहे. ज्याचं नाव आहे ‘टिकटिक वाजते कॅप्टन्सीची’. या कार्यात दोन्ही कॅप्टन्सीच्या उमेदवारांना घरात तयार करून दिलेली बरोबरची टिक निळ्या रंगाच्या स्पंजने पूर्ण भरायची आहे. तर समोरील उमेदवाराच्या समर्थकांनी हि टिक पूर्ण होणार नाही याची काळजी घ्यायची आहे.
आता या घराला नवा कॅप्टन कोण मिळेल..? असा सगळ्यांना प्रश्न पडला आहे. पण व्हायरल प्रोमो पाहून तर सोशल मीडियावर नेटकरी अमृता धोंगडेला समर्थन देत आहेत. जो तो अमृताने जिंकायला हवं.. नवी कॅप्टन अमृताचं होणार असे बोलताना दिसतो आहे. शेवटी आता कॅप्टन नक्की कोण होईल हे तर आजचा भाग पाहिल्यावरच कळेल. काय मग..? तुमचं समर्थन कुणाला..? अमृता धोंगडेला कि विकास सावंतला..?
Discussion about this post