हॅलो बॉलिवूड ऑनलाईन। झी मराठी वाहिनीवरील गाजलेली मालिका ‘तुझ्यात जीव रंगला’मधून अनेक कलाकार घराघरात आणि प्रेक्षकांच्या मनामनांत पोहोचले. यात पहिला नंबर लागतो तो राणा दा अर्थात हार्दिक जोशी आणि पाठक बाई अर्थात अक्षया देवधरचा.
मालिका संपली पण लोक काही यांची पात्र विसरू शकले नाहीत. यानंतर खऱ्या खुऱ्या आयुष्यातही यांची रील जोडी रिअल लाईफ जोडी ठरली. साखरपुडा करून हार्दिक आणि अक्षयाने प्रेक्षकांना आनंदाचा धक्काच दिला. यानंतर आता आणखी एक गुडन्यूज त्यांनी दिली आहे.
मध्यंतरी अक्षया आणि हार्दिक दोघेही लंडन दौऱ्यावर होते. आता या लंडन दौऱ्यात काय घडलंय ते समोर आलं आहे. दोघांच्याही आयुष्यातील लग्नाआधीची हि सगळ्यात मोठी गुडन्यूज समोर आली आहे. हि गुडन्यूज अशी आहे कि, अभिनेता हार्दिक जोशी आणि अभिनेत्री अक्षया देवधर हे दोघेही आगामी मराठी चित्रपटात एकत्र दिसणार आहेत.
याची नुकतीच घोषणा करण्यात आली असून एक पोस्टरही रिलीज करण्यात आले आहे. या चित्रपटाचे नाव ‘चतुर चोर’ असे आहे. ‘चतुर चोर’ हा चित्रपट एक हॉरर कॉमेडी थ्रिलिंग सिनेमा आहे अशी माहिती देण्यात आली आहे. पण नेमकं कथानक काय आहे याबाबत अद्याप कोणतीही कल्पना दिलेली नाही.
‘चतुर चोर’ या चित्रपटाचं चित्रीकरण नुकतच लंडन येथे पार पडलं असून या चित्रपटात ‘लागीर झालं जी’ मालिका फेम अभिनेता नितीश चव्हाण देखील असू शकतो असा अंदाज आहे. किरण कुमावत, स्वाती खोपकर, सुरेखा कागणे, हर्षवर्धन गायकवाड, अमोल कागणे आणि सागर पाठक हे या नव्याकोऱ्या चित्रपटाचे निर्माते आहेत. तर तबरेज पटेल आणि निनाद भट्टीन हे सहनिर्माते म्हणून आहेत. तसेच अमोल गोळे यांनी चित्रपटाचे दिग्दर्शन आणि छायाचित्रण केले आहे. याशिवाय चित्रपटाची कथा लेखक सुमित संघमित्रा आणि सागर पाठक यांनी लिहिली आहे.
Discussion about this post