हॅलो बॉलिवूड ऑनलाईन। मराठी सीनेसृष्टीतील बेधडक आणि बिनधास्त बोलणाऱ्या अभिनेत्रींमध्ये हेमांगी कवीचं नाव सगळ्यात पुढे आहे. कारण विषय कोणताही असो त्यावर बोलायला किंवा व्यक्त व्हायला हेमांगी कधीच घाबरत नाही. यामुळे सोशल मिडीयावर तिचे बरेच फॉलोवर्स आहेत. शिवाय तिचा चाहता वर्गदेखील प्रचंड मोठा आहे. हेमांगी स्वतः सोशल मीडियावर प्रचंड सक्रिय असल्यामुळे ती नेहमीच चाहत्यांसोबत कनेक्ट असते. सध्या तिचा एक व्हिडीओ सोशल मिडीयावर व्हायरल होतो आहे. यातील तिच्या चेहऱ्यावरील हाव भाव नेटकऱ्यांच्या मनाचा ठाव घेताना दिसत आहेत.
अभिनेत्री हेमांगी कवीने अधिकृत सोशल मीडियावर हा व्हिडीओ शेअर केला आहे. ज्यामध्ये तीने ब्लॅक अँड व्हाईट फ्रेम निवडली आहे. फ्रेम कितीही ब्लॅक अँड व्हाईट असली तरीही तिच्या चेहऱ्यावरील हाव भाव अतिशय स्पष्ट दिसत आहेत हि या व्हिडिओची खासियत.
या व्हिडिओच्या बँकग्राऊंडला रणबीर कपूरच्या ‘बर्फी’ चित्रपटातील अरिजित सिंगने गायलेले ‘फिर ले आया’ हे गाणे वाजत आहे. या गाण्यावर व्यक्त होणाऱ्या हेमांगीच्या चेहऱ्यावरील प्रत्येक रेष तिच्या हावभावांची मोहकता वाढवीत आहे. म्हणूनच तिचा हा व्हिडीओ चाहत्यांना प्रचंड भावला आहे.
या व्हिडिओवर नेटकऱ्यांनी विविध प्रतिक्रिया दिल्या आहेत. एका नेतकऱ्याने लिहिले आहे कि, ‘गाण्याला साजेसे अप्रतिम हावभाव… गाण्याची अप्रतिम निवड… तुझ्या रील्ससाठी नेहमीच मी वेडा असतो.. खूप प्रेम’. तर अन्य एका नेटकऱ्याने लिहिले आहे कि, ‘सुरुवातीची मुव्हमेंट.. उफ्फफफ्फ’. याशिवाय आणखी एका नेटकऱ्याने लिहिले आहे कि, ‘देवा किती क्युट आहे ही!!!’ तर अन्य एका नेटकऱ्याने कमेंट करताना लिहिले आहे कि, ‘खरंच.. लाजवाब एक्प्रेशन्स.
Discussion about this post